ពូជគោ ដែលមានសាច់ថ្លៃជាងគេលើលោក
- 2019-05-05 08:50:59
- ចំនួនមតិ 0 | ចំនួនចែករំលែក 0
ពូជគោ ដែលមានសាច់ថ្លៃជាងគេលើលោក
ចន្លោះមិនឃើញ
ពូជគោវ៉ាគ្យូ (Wagyu) ភាសាជប៉ុនប្រែថា "សាច់គោជប៉ុន" ជាជាពូជគោ ដែលមានសាច់ថ្លៃជាងគេលើលោក។ យោងតាមការចុះផ្សាយរបស់ BBC សាច់គោវ៉ាគ្យូមួយគីឡូក្រាម ថ្លៃដល់ ៦៤០ដុល្លារ។
ពូជគោវ៉ាគ្យូ សំដៅទៅលើពូជគោបួនប្រភេទរបស់ជប៉ុន មានដូចជា ពូជ Japanese black (គោវ៉ាគ្យូពណ៌ខ្មៅ), Japanese brown (គោវ៉ាគ្យូពណ៌ត្នោត), Japanese Shorthorn (គោវ៉ាគ្យូស្នែងខ្លី) និង Japanese polled (គោវ៉ាគ្យូអត់ស្នែង)។ យ៉ាងណាក្ដី ភាគច្រើនគេចិញ្ចឹមពូជគោវ៉ាគ្យូពណ៌ខ្មៅ (មានប្រមាណ ៨៥%) ខណៈគោវ៉ាគ្យូពណ៌ត្នោត មាន ១០% គោវ៉ាគ្យូស្នែងខ្លី មាន ៣% និងគោវ៉ាគ្យូអត់ស្នែង មានតែ ០,១% តែប៉ុណ្ណោះ។
លក្ខណៈពិសេសរបស់របស់គោនេះ គឺវាមានសាច់ជាប់ខ្លាញ់ច្រើន (Marbling) ដែលធ្វើឲ្យសាច់ទន់ផុយ មានឱជារសឆ្ងាញ់ប្លែកខុសពីសាច់គោដ៏ទៃ។ សព្វថ្ងៃកសិករនៅប្រទេសជិតខាង ដូចជាប្រទេសថៃជាដើម កំពុងខិតខំកែលម្អពូចគោនេះ ដើម្បីបង្កើនកម្រៃរបស់ក្រុមអ្នកនិយមចិញ្ចឹមគោសាច់ផងដែរ៕
អត្ថបទ៖ Cambodian Cattle Expert Club-CCEC