Avengers: Endgame ទាញទម្លាក់រឿង Titanic បានសម្រេច
- 2019-05-06 02:52:57
- ចំនួនមតិ 0 | ចំនួនចែករំលែក 0
Avengers: Endgame ទាញទម្លាក់រឿង Titanic បានសម្រេច
ចន្លោះមិនឃើញ
គិតត្រឹមព្រឹកថ្ងៃទី ៦ ខែឧសភានេះ ខ្សែភាពយន្ត Avengers: Endgame អាចរកចំណូលបានខ្ទង់ ២ ១៨៩ លានដុល្លារ ដែលអាចទាញទម្លាក់ខ្សែភាពយន្ត Titanic ចេញឆ្នាំ ១៩៩៧ ដើម្បីឈរតំណែងលេខ ២ ជាខ្សែភាពយន្តរកចំណូលបានច្រើនជាងគេក្នុងប្រវត្តិសាស្ត្រ។
សមិទ្ធផលនេះបានជួយឲ្យ Avengers: Endgame សាងបានកំណត់ត្រាថ្មី ជាខ្សែភាពយន្តរកចំណូលបានខ្ទង់ ២ ពាន់លានដុល្លារលឿនជាងគេ ដោយប្រើពេលត្រឹមតែ ១១ ថ្ងៃ។ អ្នកកាន់កាប់កំណត់ត្រាចាស់គឺខ្សែភាពយន្ត Avatar ចេញឆ្នាំ ២០០៩ ដែលប្រើពេល ៤៧ ថ្ងៃដើម្បីរកបាន ២ ពាន់លានដុល្លារ។
សន្ទុះកើនឡើងខ្លាំងក្លាបែបនេះ គេរំពឹងថា Endgame នឹងអាចផ្ដួលខ្សែភាពយន្ត Avatar ក្នុងពេលឆាប់ៗនេះ ដើម្បីឈរលើតំណែងកំពូល។ គួរដឹងថាខ្សែភាពយន្តទី ២២ នៃសែស្រឡាយភាពយន្ត Marvel Cinematic Universe នេះ ចំណាយការផលិតអស់ប្រមាណ ៣៥៦ លានដុល្លារ ជាខ្សែភាពយន្តដែលចំណាយដើមទុនដ៏ច្រើនមួយ៕