Liverpool វាយបកទម្លាក់ Barca ឡើងវគ្គផ្ដាច់ព្រ័ត្រ UCL 2019

2019-05-07 22:54:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហង្សក្រហម អាចវាយបកយកឈ្នះក្រុមអ្នកមានបុណ្យ FC Barcelona ដោយលទ្ធផល ៤-០ ជើងទី ២ សរុបទាំងពីរជើងគឺ ៤-៣ បានកក់សំបុត្រយន្តហោះទៅវគ្គផ្ដាច់ព្រ័ត្រក្របខណ្ឌ UEFA Champions League។

លោក Klopp ឳប Origi ដែលលេងបានយ៉ាងល្អយប់មិញ

Liverpool អវត្តមានកីឡាករសំខាន់ៗដល់ទៅ ៤ រូបគឺ Salah, Firmino, Keita និង Robertson ទៅហើយ តែបានបានបង្កការភ្ញាក់ផ្អើលខ្លាំង ដោយបន្តគៀបក្រុម Barcelona មិនឲ្យតដៃបានក្នុងទឹកដី Anfields។

៤ គ្រាប់នោះធ្វើបានដោយកីឡាករឡើងជើងវ័យក្មេង Divock Origi តាំងពីនៅនាទីទី ៧ ឯកីឡាករ Georginio Wjnaldum រកបាននៅនាទី ៥៤ និង ៥៦ និងមួយគ្រាប់ដដែលរបស់ Origi នៅនាទី ៧៩។

សូមបញ្ជាក់ដែរថា Liverpool ដែលទទួលបានកៅអីវគ្គផ្ដាច់ព្រ័ត្រនេះ ត្រូវនៅចាំអ៊ុតមើលរវាង Ajax និង Spurs ដែលប៉ះគ្នាថ្ងៃនេះម៉ោង ២ យប់។ សម្រាប់ទីតាំងត្រូវទៅជួបគ្នាលើកចុងក្រោយ គឺនៅទីក្រុងម៉ាឌ្រីតប្រទេសអេស្ប៉ាញនៅថ្ងៃទី ២ ខែមិថុនាឆ្នាំ ២០១៩ ដើម្បីស្វែងរកតំណែងជើងឯក៕

សូមទស្សនាវីដេអូហាយឡាយខាងក្រោម៖