ព្រះមហាក្សត្រកម្ពុជា ថ្វាយព្រះរាជសារអបអរព្រះមហាក្សត្រថៃ

2019-05-08 02:33:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានថ្វាយព្រះរាជសារអបអរសាទរព្រះមហាក្សត្រថ្មីរបស់ប្រទេសថៃ ដែលទើបធ្វើពិធីឡើងគ្រងព្រះបរមសិរីរាជ្យសម្បត្តិ។

ក្នុងព្រះរាជសារ ព្រះមហាក្សត្រកម្ពុជា បានមានព្រះរាជបន្ទូលប្រាប់ព្រះមហាក្សត្រថៃថា ព្រះអង្គសព្វព្រះរាជហឬទ័យដែលទំនាក់ទំនងប្រពៃណីនៃមិត្តភាព និងកិច្ចសហប្រតិបត្តិការរវាងព្រះរាជាណាចក្រទាំង២ និងប្រជាពលរដ្ឋកាន់សាសនាព្រះពុទ្ធទាំង២ប្រទេស នឹងបន្តការរួបរួមគ្នាក្រោមរជ្ជកាលប្រកបដោយមេត្តាធម៌ និងភាពវ័យឆ្លាតរបស់ព្រះមហាក្សត្រថៃ។

សូមជម្រាបថា ព្រះមហាវិជ្ជិរាឡុងកន ទើបបានក្លាយជាព្រះមហាក្សត្រថៃឡើងគ្រងរាជ្យពេញបរិបូណ៌ នៅក្នុងព្រះរាជពិធី តាមប្រពៃណីថៃដ៏អ៊ឹកអធិករយៈពេល៣ថ្ងៃ ដែលបានចាប់ផ្តើមកាលពីថ្ងៃទី៤ ខែឧសភា និងបានបញ្ចប់នៅថ្ងៃទី៦ ខែឧសភា ឆ្នាំ២០១៩៕