ក្រុម៤មកពីប្រទេសតែមួយ បានឡើងទៅវគ្គផ្តាច់ព្រ័ត្រពានរង្វាន់អឺរ៉ុបធំ២ព្រមគ្នា មិនធ្លាប់មានក្នុងប្រវត្តិសាស្រ្ត
- 2019-05-10 02:50:58
- ចំនួនមតិ 0 | ចំនួនចែករំលែក 0
ក្រុម៤មកពីប្រទេសតែមួយ បានឡើងទៅវគ្គផ្តាច់ព្រ័ត្រពានរង្វាន់អឺរ៉ុបធំ២ព្រមគ្នា មិនធ្លាប់មានក្នុងប្រវត្តិសាស្រ្ត
ចន្លោះមិនឃើញ
ជាប្រវត្តិសាស្រ្តក្នុងពានរង្វាន់អឺរ៉ុប ដែលមានក្រុម៤ មកពីប្រទេសតែមួយបានឡើងទៅវគ្គផ្តាច់ព្រ័ត្រពានរង្វាន់ UEFA Champions League និង UEFA Europa League ឆ្នាំ២០១៩ នោះគឺក្រុមមកពីអង់គ្លេស រួមមាន Liverpool, Tottenham Hotspur, Chelsea និង Arsenal។
វគ្គផ្តាច់ព្រ័ត្រ Champions League គឺហង្សក្រហម Liverpool ត្រូវប៉ះមាន់ខ្នាយមាស Tottenham Hotspur នាថ្ងៃទី១ ខែមិថុនា ឆ្នាំ២០១៩ នៅទីក្រុងម៉ាឌ្រីត ប្រទេសអេស្ប៉ាញ។
ចំណែកវគ្គផ្តាច់ព្រ័ត្រ Europa League គឺតោខៀវ Chelsea ត្រូវប៉ះ កាំភ្លើងធំ Arsenal នៅទីក្រុងបាគូ ប្រទេសអាហ្ស៊ែបៃហ្សង់ នាថ្ងៃទី២៩ ខែឧសភា ឆ្នាំ២០១៩។
កន្លងមក អង់គ្លេស ក៏ធ្លាប់មានក្រុមក្នុងប្រទេស ប៉ះគ្នានៅវគ្គផ្តាច់ព្រ័ត្រពានអឺរ៉ុបផងដែរ ក្នុងនោះ វគ្គផ្តាច់ព្រ័ត្រពាន UEFA Cup 1972 រវាង Spurs ទល់នឹង Wolves និងវគ្គផ្តាច់ព្រ័ត្រ UEFA Champions League 2008 រវាង Man Utd ទល់នឹង Chelsea។
សូមជម្រាបដែរថា Spurs គឺជាក្រុមទី៨របស់អង់គ្លេស ដែលបានឈានចូលដល់វគ្គផ្តាច់ព្រ័ត្រ European Cup/Champions League បន្ទាប់ពី Arsenal, Aston Vila, Chelsea, Leeds United, Liverpool, Manchester United និង Nottingham Forest។ ការណ៍នេះ ធ្វើឱ្យអង់គ្លេស មានក្រុមច្រើនជាងគេ ដែលឈានចូលវគ្គផ្តាច់ព្រ័ត្រពានរង្វាន់នេះ។
ក្រៅពីអង់គ្លេស ក៏មានប្រទេស៣ទៀត ដែលមានក្រុមខ្លួនប្រកួតនៅវគ្គផ្តាច់ព្រ័ត្រ UEFA Champions League ផងដែរ ដូចជា៖
-អេស្ប៉ាញ៖ ចំនួន ៣លើក
+Real Madrid ប៉ះ Valencia នៅឆ្នាំ២០០០ (Real Madrid ឈ្នះ)
+Real Madrid ប៉ះ Atletico Madrid ចំនួន ២លើកគឺនៅឆ្នាំ២០១៤ និង២០១៦ (Real Madrid ឈ្នះទាំង ២លើក)
-អាល្លឺម៉ង់៖ មានម្ដងគឺ Bayern Munich ប៉ះ Borussia Dortmund នៅឆ្នាំ២០១៣ (Bayern Munich ឈ្នះ)។
-អ៊ីតាលី៖ មានម្ដងគឺ AC Milan ប៉ះ Juventus នៅឆ្នាំ២០០៣ (AC Milan ឈ្នះ)៕