មូលហេតុ ដែលក្រុងហាណូយនឹងបញ្ឈប់ការជិះម៉ូតូគ្រប់ប្រភេទ

2019-05-15 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរវៀតណាម កំពុងចាត់វិធានការធំៗជាច្រើន ដើម្បីពង្រឹងគុណភាពខ្យល់អាកាសនៅក្នុងទីក្រុងហាណូយ ហើយក្នុងចំណោមនោះ មានមួយគឺជាគម្រោងបញ្ឈប់ការជិះម៉ូតូគ្រប់ប្រភេទនៅត្រឹមឆ្នាំ២០៣០ ខាងមុខ។

កាលពីឆ្នាំ២០១៦ ហាណូយបានទទួលរងនូវការបំពុលខ្យល់អាក្រក់បំផុតលំដាប់ថ្នាក់ទី២ នៅក្នុងតំបន់អាស៊ាន បន្ទាប់ពីខេត្ត Saraburi ដែលជាតំបន់ឧស្សាហកម្មយ៉ាងមមាញឹករបស់ថៃ។ យោងតាមរបាយការណ៍របស់អង្គការសុខភាពពិភពលោក WHO បានឲ្យដឹងថា នៅឆ្នាំ២០១៧ ខ្យល់អាកាសដែលអាចចាត់ទុកថាល្អនៅក្នុងទីក្រុងហាណូយ មានរយៈពេលត្រឹមតែ ៣៨ថ្ងៃប៉ុណ្ណោះក្នុង១ឆ្នាំ។

ទីក្រុងហាណូយ ប្រទេសវៀតណាម/ រូបភាព៖ Nhan Dan

ជាជម្រករបស់ពលរដ្ឋប្រមាណ ៧,៧លាននាក់ ហាណូយសម្បូរទៅដោយម៉ូតូរាប់សិបម៉ឺនគ្រឿងឯណោះ ដែលធ្វើចរាចរណ៍រៀងរាល់ថ្ងៃនៅតាមដងផ្លូវនានា។ ការប្រើប្រាស់ម៉ូតូដ៏ច្រើននេះ ជាប្រភពចម្បងនៃការបំពុលអាកាស គួបផ្សំនឹងការបំពុលដែលបញ្ចេញដោយរោងចក្រថាមពលធ្យូងថ្ម និងឧស្សាហកម្មធុនធ្ងន់ ជាដើម។

ការបំពុលខ្យល់អាកាសហក់ដល់ចំណុចអតិបរមា គឺចាប់ពីខែធ្នូ ដល់ខែកុម្ភៈ ដែលស្ថិតនៅអំឡុងរដូវប្រាំងប្រចាំឆ្នាំ។ ហើយវាក៏ជាពេលវេលាមួយ ដែលខ្យល់កខ្វក់ពីភាគខាងត្បូងនៃប្រទេសចិនត្រូវបានបក់ចូលទីក្រុងហាណូយផងដែរ។ បើតាមការសិក្សាកន្លងទៅ ខ្យល់អាក្រក់ដែលបក់ចូលហាណូយ ភាគច្រើនមកពីទីក្រុងធំៗនៃខេត្ត Chengdu និងខេត្ត Chongqing របស់ចិន។

ដើម្បីដោះស្រាយបញ្ហាខ្យល់អាកាសមិនល្អ ក្រុមប្រឹក្សាទីក្រុងហាណូយបានសម្រេចចាត់វិធានការបញ្ឈប់ការប្រើប្រាស់ម៉ូតូនៅត្រឹមឆ្នាំ២០៣០ ដោយជំនួសមកវិញនូវការបង្កើនមធ្យោបាយធ្វើដំណើរសាធារណៈ៕

ប្រែសម្រួល៖ ឈាង