សម្តេច ហ៊ុន សែន ថាកម្ពុជាកំពុងក្លាយជា "រោងចក្រនៃអាស៊ី"

2019-05-15 01:43:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានថ្លែងថា កម្ពុជាស្ថិតនៅលើទីតាំងជាយុទ្ធសាស្ត្រក្នុងតំបន់អាស៊ាន ដែលតំបន់នេះបាននឹងកំពុងក្លាយជា "រោងចក្រនៃអាស៊ី" ពោលគឺទំនិញដែលផលិតនៅប្រទេសកម្ពុជា អាចផ្គត់ផ្គង់ទីផ្សារនៅក្នុងស្រុក ទីផ្សារអនុតំបន់មេគង្គ ទីផ្សារអាស៊ាន និងទីផ្សារសំខាន់ៗដទៃទៀតក្នុងពិភពលោក។ ការថ្លែងនេះធ្វើឡើងក្នុងពេលដែលសម្តេច ហ៊ុន សែន និងលោក សាម៉ា អូលី នាយករដ្ឋមន្រ្តីនេប៉ាល់ អញ្ជើញជាអធិបតីបើកវេទិកាធុរកិច្ចកម្ពុជា-នេប៉ាល់ កាលពីថ្ងៃទី១៤ ខែឧសភា ឆ្នាំ២០១៩។

រូបថត៖ ហ្វេសប៊ុកសម្តេច ហ៊ុន សែន

ចំណុចខាងលើនេះ គឺស្ថិតក្នុងចំណោមសក្តានុពលវិនិយោគ និងឧត្តមភាពសំខាន់ៗរបស់កម្ពុជា ចំនួន៤ ដែលសម្តេច ហ៊ុន សែន បានប្រកាសប្រាប់ដើម្បីទាក់ទាញអ្នកវិនិយោគ ឱ្យចូលមកបណ្តាក់ទុន។ ចំណែក ៣ចំណុចទៀតរួមមាន៖

-ភាពអំណោយផលនៃស្ថិរភាពនយោបាយ និងម៉ាក្រូសេដ្ឋកិច្ច។

-ការបើកចំហរសេដ្ឋកិច្ចសម្រាប់អ្នកវិនិយោគទាំងអស់ ដោយគ្មានការរើសអើងរវាងអ្នកវិនិយោគកម្ពុជា និងអ្នកវិនិយោគបរទេស។ គ្រប់វិនិយោគិនទាំងអស់អាចដាក់ទុនវិនិយោគភាគហ៊ុនផ្ទាល់ ១០០% ដោយមិនចាំបាច់មានភាគហ៊ុនក្នុងស្រុកឡើយ។

-កម្លាំងពលកម្មដែលមានភាពសម្បូរបែបនិងវ័យក្មេង ដែលក្នុងនោះប្រជាពលរដ្ឋដែលមាអាយុ ៣៥ឆ្នាំចុះ មានចំនួនដល់ទៅ ៧២% នៃចំនួនប្រជាពលរដ្ឋសរុប គួបផ្សំនឹងប្រាក់ឈ្នួលដែលមានភាពប្រកួតប្រជែង៕

អត្ថបទ៖ សំភី