ខេត្តមួយដែលមានការផ្លាស់ប្ដូរតំណែងអភិបាលច្រើនជាងគេ ក្នុងរយៈពេល ៥ឆ្នាំចុងក្រោយ

2019-05-16 08:32:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កន្លងមក [ខ្លីៗ] បានបង្ហាញពីអភិបាលខេត្តទាំង ២៥រូប ដែលកំពុងកាន់តំណែង និងអភិបាលខេត្តវ័យក្មេងបំផុតទាំង ៥រូបរួចមកហើយ ថ្ងៃនេះ សូមបង្ហាញប្រិយមិត្តពីខេត្តមួយ ដែលមានការផ្លាស់ប្ដូរតំណែងអភិបាលញឹកជាងគេវិញម្ដង ដោយគិតត្រឹមរយៈពេល ៥ឆ្នាំចុងក្រោយ។

នោះគឺខេត្តត្បូងឃ្មុំ ដែលជាខេត្តកូនពៅ (ទើបបង្កើតក្រោយគេ)។ ក្រោយបង្កើតឡើង តាមរយៈព្រះរាជក្រឹត្យ ចុះថ្ងៃទី៣១ ខែធ្នូ ឆ្នាំ២០១៣ មក ខេត្តនេះ មានអភិបាលចំនួន ៣រូប គឺ៖

ពីខែមករា ឆ្នាំ២០១៤ ដល់ខែមិថុនា ឆ្នាំ២០១៧៖ លោក ប្រាជ្ញ ចន្ទ។ មុនបង្កើតខេត្តត្បូងឃ្មុំ លោក ប្រាជ្ញ ចន្ទ គឺជាអភិបាលខេត្តបាត់ដំបង។ នៅខែមិថុនា ឆ្នាំ២០១៧ លោកប្រាជ្ញ ចន្ទ ត្រូវបានតែងតាំងជាទីប្រឹក្សារដ្ឋាភិបាល ដែលមានឋានៈស្មើរដ្ឋមន្ត្រី ចំណែកតំណែងអភិបាលខេត្តត្បូងឃ្មុំ ត្រូវជំនួសវិញដោយលោក លី ឡេង។

លោក ប្រាជ្ញ ចន្ទ

- ពីខែមិថុនា ឆ្នាំ២០១៧ ដល់ខែធ្នូ ឆ្នាំ២០១៨៖ **លោក លី ឡេង**។ លោក លី ឡេង ត្រូវបានតែងតាំងជាអភិបាលខេត្តត្បូងឃ្មុំ ជំនួសលោកប្រាជ្ញ ចន្ទ នាខែមិថុនា ឆ្នាំ២០១៧។ មុនទទួលបានតំណែងអភិបាលខេត្ត លោកគឺជាអភិបាលខេត្តរង ប្រចាំខេត្តនេះ។

លោក លី ឡេង

ខែវិច្ឆិកា ឆ្នាំ២០១៨ ដល់ បច្ចុប្បន្ន៖ លោក ជាម ច័ន្ទសោភ័ណ្ឌ។ លោក ជាម ច័ន្ទសោភ័ណ្ឌ ត្រូវបានតែងតាំងជាអភិបាលខេត្តត្បូងឃ្មុំ នាខែវិច្ឆិកា ឆ្នាំ២០១៨ ជំនួសលោក លី ឡេង ដែលត្រូវទៅកាន់តំណែងថ្មី ជានាយកខុទ្ទកាល័យលោក ស៊ីម កា អនុប្រធានទី១ ព្រឹទ្ធសភា។ មុនក្លាយជាអភិបាលខេត្ត លោកជាម ច័ន្ទសោភ័ណ្ឌ ជាអភិបាលរងខេត្តត្បូងឃ្មុំ។

លោក ជាម ច័ន្ទសោភ័ណ្ឌ

សូមបញ្ជាក់ថា ខេត្តត្បូងឃ្មុំ ត្រូវបានបង្កើតឡើង តាមរយៈព្រះរាជក្រឹត្យ ចុះថ្ងៃទី៣១ ខែធ្នូ ឆ្នាំ២០១៣ ដោយបំបែកចេញពីខេត្តកំពង់ចាម។ ខេត្តនេះ ត្រូវបានបង្កើតឡើង ដោយកាត់យកក្រុង១ និងស្រុក ៦ ពីខេត្តកំពង់ចាម រួមមាន ក្រុងសួង ស្រុកត្បូងឃ្មុំ ស្រុកអូររាំងឪ ស្រុកក្រូចឆ្មារ ស្រុកតំបែរ ស្រុកពញាក្រែក និងស្រុកមេមត់៕

អត្ថបទទាក់ទង៖

អត្ថបទ៖ ឈិន មិថុនា