រដ្ឋមន្រ្តីសិង្ហបុរី៖ បច្ចេកវិទ្យា មិនអាចជំនួសគ្រូបង្រៀនបានឡើយ

2019-05-16 08:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Ong Ye Kung រដ្ឋមន្រ្តីក្រសួងអប់រំនៃប្រទេសសិង្ហបុរី បានថ្លែងក្នុងវេទិកាអប់រំ Education Disrupt @ The Bay នៅថ្ងៃទី១៦ ខែឧសភា ឆ្នាំ២០១៩ថា បច្ចេកវិទ្យាបានផ្លាស់ប្តូរឧស្សាហកម្មផ្សេងៗនៅក្នុងប្រទេសនេះ រួមទាំងវិស័យអប់រំផងដែរ ប៉ុន្តែវាមិនអាចជំនួសគ្រូបង្រៀនបានឡើយ។

រូបថត៖ Straitstimes

លោកលើកឡើងយ៉ាងដូច្នេះថា៖ «**វិស័យអប់រំ ក៏ដូចជាវិស័យឧស្សាហកម្មផ្សេងទៀតដែរ នឹងត្រូវជំនួសដោយមនុស្សយន្ត និងកុំព្យូទ័រ។ ចំណែកគ្រូបង្រៀនម្នាក់ មិនអាចត្រូវជំនួសបានឡើយ នាយកសាលាម្នាក់ក៏មិនអាចត្រូវបានជំនួសដែរ។ នេះជាដំណើរការផ្ទេរចំណេះដ៏មានតម្លៃ**»។

រដ្ឋមន្រ្តីរូបនេះ ក៏បានកត់សម្គាល់ផងដែរអំពីការប្រើប្រាស់បច្ចេកវិទ្យាក្នុងការបង្រៀននៅប្រទេសឥណ្ឌូណេស៊ី។ ដោយសារតែឥណ្ឌូណេស៊ី មានទៅដល់ ១៧០០០កោះ ហើយគ្រប់ភូមិ តែងមានសាលាមួយ ដូច្នេះទើបប្រទេសនេះ ត្រូវប្រើបច្ចេកវិទ្យាជំនួយផ្តល់ការអប់រំទៅដល់សិស្ស ព្រោះតែខ្វះធនធាន (គ្រូ និងថវិកា)។ ដោយឡែកសិង្ហបុរី គ្រាន់តែជាប្រទេសតូចមួយ មិនចាំបាច់ត្រូវប្រើបច្ចេកវិទ្យាដើម្បីដោះស្រាយបញ្ហានេះឡើយ៕

ប្រភព៖ Straits Times ប្រែសម្រួល៖ សំភី