អាល្លឺម៉ង់ ផ្តល់ជំនួយ និងកម្ចីជាង ៥៤លានដុល្លារសម្រាប់អនុវត្តគម្រោងមួយចំនួននៅកម្ពុជា

2019-05-17 04:32:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសេចក្តីប្រកាសព័ត៌មានចេញផ្សាយដោយស្ថានទូតអាល្លឺម៉ង់ប្រចាំកម្ពុជា កាលពីថ្ងៃទី១៥ ខែឧសភា ឆ្នាំ២០១៩ បានឱ្យដឹងថា រដ្ឋាភិបាលអាល្លឺម៉ង់បានសម្រេចផ្តល់ជំនួយ និងកម្ចី ប្រមាណ ៤៨,៦លានអឺរ៉ូ (ជាង ៥៤លានដុល្លារ) សម្រាប់ឆ្នាំ២១០៩ និងឆ្នាំ២០២០ ក្នុងការអនុវត្តគម្រោងតាមផ្នែកនីមួយៗដូចខាងក្រោមនេះ៖

ពិធីចុះកិច្ចព្រមព្រៀងរវាងភាគីកម្ពុជា-អាល្លឺម៉ង់ នៅក្រុងប៊ែរឡាំង កាលពីថ្ងៃទី១៥ ខែឧសភា ឆ្នាំ២០១៩ (រូបថត៖ ស្ថានទូតអាល្លឺម៉ង់)

-ការរួមចំណែកដល់មូលនិធិ (Trust Fund) ពហុភាគីរបស់ធនាគារពិភពលោក ដើម្បីគាំពារដល់ការអនុវត្តគម្រោងក្របខណ្ឌគណនេយ្យភាពសង្គម មានទំហំទឹកប្រាក់ ៥លានអឺរ៉ូ (ជំនួយឥតសំណង)

-សម្រាប់គម្រោងកំណត់អត្តសញ្ញាណគ្រួសារក្រីក្រ (ID-Poor) មានទំហំទឹកប្រាក់ ១,៣លានអឺរ៉ូ (ជំនួយផ្នែកបច្ចេកទេស)

-គម្រោងគាំពារសុខភាពសាធារណៈ មានទំហំទឹកប្រាក់ ២លានអឺរ៉ូ (ជំនួយផ្នែកបច្ចេកទេស)

-គម្រោងកសាងហេដ្ឋារចនាសម្ព័ន្ធជនបទ មានទំហំទឹកប្រាក់ ០,១លានអឺរ៉ូ (ជំនួយឥតសំណង)

-គម្រោងកសាងហេដ្ឋារចនាសម្ព័ន្ធជនបទ មានទំហំទឹកប្រាក់ ៣០លានអឺរ៉ូ (ឥណទានសម្បទាន)

-គម្រោងអភិវឌ្ឍសេដ្ឋកិច្ចថ្នាក់តំបន់ មានទំហំទឹកប្រាក់ ៨លានអឺរ៉ូ (ជំនួយផ្នែកបច្ចេកទេស)

-ការសិក្សា និងថវិកាសម្រាប់អ្នកជំនាញ មានទំហំទឹកប្រាក់ ២,២លានអឺរ៉ូ (ជំនួយផ្នែកបច្ចេកទេសសម្រាប់ការសិក្សា)។

ក្នុងនោះផងដែរ តាមរយៈគំនិតផ្តួចផ្តើមសកល «ពិភពលោកដែលគ្មានភាពអត់ឃ្លាន» អាល្លឺម៉ង់ នឹងផ្តល់ជំនួយហិរញ្ញវត្ថុចំនួន ១០លានអឺរ៉ូ សម្រាប់គម្រោងអាហារូបត្ថម្ភកម្ពុជា ដែលជាគម្រោងរួមគ្នារវាងធនាគារពិភពលោក ស្ថាប័នហិរញ្ញវត្ថុអន្តរជាតិ ប្រទេសអូស្ត្រាលី និងប្រទេសអាល្លឺម៉ង់៕

អត្ថបទ៖ សំភី