គម្រោងសាងសង់រោងចក្រចម្រាញ់ទឹកស្អុយ គ្រោងចំណាយទឹកប្រាក់២៧លានដុល្លារ

2019-05-19 01:25:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមការងារបច្ចេកទេសនៃមន្ទីរសាធារណការ និងដឹកជញ្ជូនរាជធានីភ្នំពេញ និងក្រុមសិក្សាបច្ចេកទេសជប៉ុននៃអង្គការ JICA កាលពីថ្ងៃទី១៧ ខែឧសភា ឆ្នាំ២០១៩ បានបើកកិច្ចប្រជុំពិភាក្សាមួយលើគម្រោងសាងសង់រោងចក្រប្រព្រឹត្តិកម្មទឹកស្អុយ ក្នុងគម្រោងទឹកប្រាក់ ២៧លានដុល្លារ ដែលមានទីតាំងនៅតំបន់ជើងឯក ខណ្ឌដង្កោ រាជធានីភ្នំពេញ ។

កិច្ចប្រជុំពិភាក្សារវាងក្រុមការងារបច្ចេកទេសនៃមន្ទីរសាធារណការ និងដឹកជញ្ជូនរាជធានីភ្នំពេញ និងក្រុមសិក្សាបច្ចេកទេសជប៉ុននៃអង្គការ JICA

លោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់នៅថ្ងៃទី១៨ ខែឧសភានេះថា៖ "ប្រទេសកម្ពុជា គ្រោងសាងសង់រោងចក្រចម្រាញ់ទឹកស្អុយជំហានទី១ នៅតំបន់ជើងឯក ខណ្ឌដង្កោ ដែលគម្រោងនេះមានទំហំទឹកប្រាក់ចំនួន ២៧លានដុល្លារ ជាជំនួយដែលផ្តល់ជូនពីទីភ្នាក់ងារសហប្រតិបត្តិការអន្តរជាតិជប៉ុន ហៅកាត់ថា JICA។

លោកសាំ ពិសិដ្ឋ បានបន្តថា៖ "យើងនឹងទទួលបានគម្រោង JICA ដើម្បីសាងសង់រោងចក្រចម្រាញ់ទឹកស្អុយជំហានទី១នេះ ពុំទាន់មានស្ថានីយប្រព្រឹត្តកម្មទឹកកខ្វក់ ដើម្បីសម្អាតទឹកកខ្វក់ មុននឹងបង្ហូរចូលទន្លេ និងបឹងបួរនៅឡើយទេ ដែលជាហេតុធ្វើឲ្យមានការបំពុលទឹកទន្លេនិងបឹងបួរមួយចំនួននៅប៉ែកខាងត្បូង និងខាងជើងរាជធានីភ្នំពេញ។

គួរបញ្ជាក់ថា បច្ចុប្បន្ន នៅរាជធានីភ្នំពេញមានប្រព័ន្ធបង្ហូរទឹកភ្លៀង ដូចជា បណ្ដាញលូមូល លូប្រអប់ លូជ្រុងអណ្ដូងលូគ្រប់ប្រភេទប្រឡាយចំហរបង្ហូរទឹកភ្លៀងប្រឡាយបេតុង និងស្ថានីយបូមទឹកជុំវិញរាជធានីចំនួន១៤ស្ថានីយ ក្នុងនោះកំពុងសាងសង់ស្ថានីយថ្មីចំនួន ៣កន្លែងដែលបង្កើនសមត្ថភាពបូម ៣ដង៕

ប្រភព៖ រស្មីកម្ពុជា