ចិន បានសាងសង់សំណង់ ឲ្យ​ដូច​ទៅ​នឹង​សំណង់​អច្ឆរិយជាច្រើន ដែលស្ថិត​នៅជុំវិញពិភពលោក ដែល​ក្នុង​នោះ​ក៏មានការ​សាងសង់​តាម​រចនាបថប្រាសាទរបស់ខ្មែរផងដែរ។

សំណង់អច្ឆរិយ និង​ទីតាំង​ទាំងនោះ មានដូចខាងក្រោម៖

១- ស្ពាន Tower Bridge របស់ក្រុងឡុងដ៍ ចក្រភពអង់គ្លេស ត្រូវបានចម្លងឡើងនៅខេត្ត Jiangsu ប្រទេសចិន។

២- ប្រាសាទ Parthenon របស់ក្រុងអាតែន ប្រទេសក្រិក ត្រូវបានចម្លងឡើងនៅខេត្ត Gansu ប្រទេសចិន។

៣- ប៉ម Eiffel របស់ក្រុងប៉ារីស ប្រទេសបារាំង ត្រូវបានចម្លងឡើងនៅខេត្ត Tianducheng ប្រទេសចិន។

៤- ស្ពាន Harbour របស់ក្រុងស៊ីដនី ប្រទេសអូស្ត្រាលី ត្រូវបានចម្លងឡើងនៅក្រុងប៉េកាំង ប្រទេសចិន។

៥- កីឡដ្ឋានបុរាណ Colosseum របស់ក្រុងរ៉ូម ប្រទេសអ៊ីតាលី ត្រូវបានចម្លងឡើងនៅក្រុងម៉ាកាវ ប្រទេសចិន។

៦- ខ្លោងទ្វារ Arc de Triomphe របស់ក្រុងប៉ារីស ប្រទេសបារាំង ត្រូវបានចម្លងឡើងនៅក្រុង Jiangyan ប្រទេសចិន។

៧- រូបសំណាក Great Sphinx of Giza របស់ប្រទេសអាហ្ស៊ីប ត្រូវបានចម្លងឡើងនៅក្រុង Chuzhou ប្រទេសចិន។

៨- វិមានក្រិមឡាំង របស់ក្រុងមូស្គូ ប្រទេសរុស្ស៊ី ត្រូវបានចម្លងឡើងនៅក្រុងប៉េកាំង ប្រទេសចិន។

៩- ប្រឡាយចាស់របស់ក្រុង Florence ប្រទេសអ៊ីតាលី ត្រូវបានចម្លងឡើងនៅក្រុង Wuqing ប្រទេសចិន។

១០- ពីរ៉ាមីត Louvre របស់ក្រុងប៉ារីស ប្រទេសបារាំង ត្រូវបានចម្លងឡើងនៅក្រុង Chongqing ប្រទេសចិន។

១១- សេតវិមាន អាមេរិក ត្រូវបានចម្លងឡើងនៅក្រុងប៉េកាំង ប្រទេសចិន។

១២- ប្រាសាទ Karnak របស់អេហ្ស៊ីប ត្រូវបានចម្លងឡើងនៅក្រុង Wuhan ប្រទេសចិន។

១៣- រូបសំណាក Moai នៅកោះ Easter Island ត្រូវបានចម្លងឡើងនៅក្រុងប៉េកាំង ប្រទេសចិន។

១៤- សណ្ឋាគារ Chateau Laffitte ក្នុងសតវត្សទី១៧ របស់បារាំង ត្រូវបានចម្លងឡើងនៅចិន។

១៥- ប៉ម Tower of Pisa របស់ប្រទេសអ៊ីតាលី ត្រូវបានចម្លងឡើងនៅក្រុងសៀងហៃ ប្រទេសចិន។

១៦- សំណង់ប្រាសាទដ៏ធំដែលមានរចនាបថបែបខ្មែរ ត្រូវបានចម្លងឡើងនៅក្រុងណាននីង នៃតំបន់ស្វយ័ត​ជនជាតិជ័ងក្វាងស៊ី ប្រទេសចិន។ សំណង់នេះ ត្រូវបានសាងសង់ថ្មី នៅក្នុងសួនកម្សាន្ត ឈ្មោះ Fantawild Asian Legend ។

រូបថត៖ Reuters