Keisuke Honda និង Melbourne Victory ដល់ផ្លូវបំបែកហើយ

2019-05-21 04:39:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបអូស្ត្រាលី Melbourne Victory បានប្រកាសនៅថ្ងៃទី២១ ខែឧសភា ឆ្នាំ២០១៩នេះថា ក្លឹបបានចែកផ្លូវគ្នាជាមួយកីឡាករជប៉ុន Keisuke Honda ហើយ។ ប៉ុន្តែ Honda នឹងត្រូវចូលលេងចុងក្រោយឱ្យក្លឹប ពេលប្រកួតជាមួយក្លឹបម្ចាស់ផ្ទះ Sanfrece Hiroshima ក្នុងវគ្គចែកពូលជុំចុងក្រោយនៃពានរង្វាន់ AFC Champions League 2019 នាយប់ថ្ងៃពុធស្អែកនេះ។

រូបថត៖ Goal

Honda បានចូលរួមជាមួយ Melbourne កាលពីខែសីហា ឆ្នាំ២០១៨។ ក្លឹបនេះបញ្ជាក់ថា Honda គឺជាកីឡាករអាជីពលំដាប់ពិភពលោកម្នាក់ដែលបានទាក់ទាញមិត្តរួមក្រុម អ្នកគាំទ្រ ក៏ដូចជាលីគ Hyundai A-League នេះទាំងមូលផងដែរ។

ប្រធានក្លឹប Melbourne លោក Trent Jacobs បាននិយាយថា «យើងសំណាងណាស់ដែលបានគាត់ (Honda) មកចូលរួមជាមួយយើងនៅ Melbourne Victory ក្នុងរដូវកាលនេះ (២០១៨-២០១៩)។ គាត់មានទេពកោសល្យដ៏មិនគួរឱ្យជឿនៅលើទីលាន»។

ចំណែក Honda វិញក៏បានបង្ហាញមោទនភាពដែលបានលេងនៅក្លឹបអូស្ត្រាលីនេះ ហើយអរគុណដល់អ្នកគាំទ្រផងដែរ។ «ខ្ញុំចាកចេញពេលនេះ សម្រាប់អាជីពនៅថ្ងៃបន្ទាប់ ប៉ុន្តែនឹងមិនភ្លេចពេលវេលារបស់ខ្ញុំ នៅ Victory ឡើយ។»

Keisuke Honda បានបង្ហាញខ្លួន ២៣លើកឱ្យ Melbourne Victory ក្នុងរដូវកាលនេះ រកគ្រាប់បាល់បាន ៨គ្រាប់ និងបានជួយឱ្យក្លឹបនេះ ឈរនៅលេខ៣ក្នុងតារាង៕

អត្ថបទ៖ សំភី