រុស្ស៊ី-វៀតណាម ចុះកិច្ចព្រមព្រៀងស្តីពីការសាងសង់មជ្ឈមណ្ឌលស្រាវជ្រាវនុយក្លេអ៊ែរ
- 2019-05-23 01:42:48
- ចំនួនមតិ 0 | ចំនួនចែករំលែក 0
រុស្ស៊ី-វៀតណាម ចុះកិច្ចព្រមព្រៀងស្តីពីការសាងសង់មជ្ឈមណ្ឌលស្រាវជ្រាវនុយក្លេអ៊ែរ
ចន្លោះមិនឃើញ
លោក Aleksei Likhachev ប្រធានក្រុមហ៊ុនសាជីវកម្មនុយក្លេអ៊ែររុស្ស៊ី Rosatom និងលោក Chu Ngoc Anh រដ្ឋមន្រ្តីក្រសួងវិទ្យាសាស្រ្ត និងបច្ចេកវិទ្យាវៀតណាម បានចុះអនុស្សារណៈមួយស្តីពីការអនុវត្តគម្រោងសាងសង់មជ្ឈមណ្ឌលស្រាវជ្រាវ និងបច្ចេកវិទ្យានុយក្លេអ៊ែរនៅក្នុងប្រទេសវៀតណាម។ នេះបើតាមការចុះផ្សាយរបស់សារព័ត៌មានរុស្ស៊ី TASS កាលពីថ្ងៃទី២២ ខែឧសភា ឆ្នាំ២០១៩។
ពិធីចុះហត្ថលេខានេះ ធ្វើឡើងក្រោមអធិបតីភាពលោក Dmitry Medvedev នាយករដ្ឋមន្រ្តីរុស្ស៊ី និងលោក Nguyen Xuan Phuc នាយករដ្ឋមន្រ្តីវៀតណាម។
បើតាមការចុះផ្សាយរបស់ Vietnam Express ក្រៅពីថាមពលនុយក្លេអ៊ែរ រុស្ស៊ី និងវៀតណាម ក៏បានចុះកិច្ចព្រមព្រៀងទាក់ទងនឹងប្រេង និងឧស្ម័ន, សំណង់, ទេសចរណ៍, ប្រព័ន្ធយុត្តិធម៌ និងទំនាក់ទំនងមូលដ្ឋានផងដែរ។
ថ្លែងទៅកាន់អ្នកសារព័ត៌មាន នាយករដ្ឋមន្រ្តីទាំង២ បានឯកភាពគ្នាលើកិច្ចសហប្រតិបត្តិការការពារជាតិ និងសន្តិសុខ, វិទ្យាសាស្រ្ត និងបច្ចេកវិទ្យា, អប់រំ និងបណ្តុះបណ្តាល, វប្បធម៌, កីឡា និងទេសចរណ៍ ដែលជាវិស័យដ៏មានសក្តានុពលសម្រាប់ការអភិវឌ្ឍបន្ថែម៕