រដ្ឋមន្រ្តីប៊ុលការី និយាយពីការទិញយន្តហោះអាមេរិក F-16 តែពាក់អាវរូបយន្តហោះរុស្ស៊ី MiG-29 (មានវីដេអូ)

2019-05-23 05:46:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្រ្តីការពារជាតិប៊ុលការី លោក Krasimir Karakachanov បានថ្លែងទៅកាន់អ្នកសារព័ត៌មានអំពីការចរចាជាមួយអាមេរិកក្នុងដំណើរការទិញយន្តហោះ F-16។ ប៉ុន្តែក្នុងអំឡុងពេលនិយាយរឿងនេះ លោកត្រូវបានគេមើលឃើញថា បានពាក់អាវយឺតដែលមានរូបយន្តហោះរុស្ស៊ី MiG-29 ទៅវិញ។

លោករដ្ឋមន្រ្តីបញ្ជាក់ថា ក្រៅអាវយឺតដែលមានរូបយន្តហោះ MiG-29 លោកក៏មានអាវយឺតដែលមានរូបយន្តហោះរុស្ស៊ី Su-25 ផងដែរ។ ទន្ទឹមនឹងនេះ លោកសង្ឃឹមថា ប្រសិនបើការចរចាជាមួយអាមេរិក បានជោគជ័យ លោកនឹងមានឱកាសពាក់អាវយឺតដែលមានរូបយន្តហោះចម្បាំងអាមេរិកផងដែរ។

វីដេអូ៖

បើតាមលោក Krasimir Karakachanov កិច្ចចរចានឹងធ្វើឡើងនៅក្នុងអំឡុងខែមិថុនាខាងមុខនេះ។ ចំពោះតម្លៃលោកស្នើថា មិនគួរលើសពី ២ពាន់លាន Levs (ជាង ១,១៤ពាន់លានដុល្លារ) ដែលកំណត់ដោយអាមេរិកនោះឡើយ ព្រោះប៊ុលការី កំពុងស្វែងរកជម្រើសដែលល្អក្នុងការកាត់បន្ថយការចំណាយ មិនមែនបង្កើនការចំណាយលើយោធានោះទេ។

លោកថា ប្រសិនប៊ុលការី ចរចាថ្លៃជាមួយអាមេរិក មិនត្រូវគ្នា នោះប្រទេសលោកនឹងពិចារណាលើយន្តហោះរបស់អ៊ីតាលី ឬស៊ុយអ៊ែតវិញ៕

ប្រភព៖ Sputnik News ប្រែសម្រួល៖ សំភី