បុរសបារាំងម្នាក់លួចទូរសព្ទ Huawei នៅថៃ ត្រូវបានចាប់ខ្លួន

2019-05-24 03:48:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បុរសបារាំងម្នាក់ត្រូវបានចាប់ខ្លួននៅផ្សារ Tukcom Pattaya ក្នុងទីក្រុងប៉ាតាយ៉ា កាលពីយប់ថ្ងៃពុធដោយសារបានលួចទូរសព្ទ Huawei ម៉ូដែល P30 Pro មួយគ្រឿង។

រឿងហេតុបានកើតឡើងនៅវេលាម៉ោងប្រមាណ ៩៖៣០ នាទី។ ជនសង្ស័យត្រូវបានគេស្គាល់ឈ្មោះថា Meriem Laurent មានវ័យ ៤០ ឆ្នាំ ដែលរងការចោទថាបានសម្ដែងជាឆែកមើលទូរសព្ទច្រើនម៉ូដែលដែលដាក់តាំងបង្ហាញ នៅពេលអំពើចោរកម្មកើតឡើង។ ជនសង្ស័យរូបនេះឆក់យកទូរសព្ទ Huawei តម្លៃ ៣១ ៩០០ បាត (ប្រមាណ ៩៩៩ ដុល្លារ) នៅពេលដែលម្ចាស់ហាងមិនបានចាប់អារម្មណ៍។

ដោយសារតែមានឧបករណ៍រោទ៍សំឡេងនៅជាប់នឹងទូរសព្ទ វាក៏បន្លឺសំឡេង ហើយម្ចាស់ហាងក៏បានរត់ចេញតាមជនសង្ស័យខាងលើតែម្ដង។ ក្រោយមកមានអ្នកដទៃទៀតនៅក្នុងហាងបានជួយ និងបញ្ឈប់បុរសបារាំងរូបនេះ។ ជនសង្ស័យរូបនេះក៏ត្រូវកាមេរ៉ាថតបានផងដែរ។

សមត្ថកិច្ចបានរកឃើញថាបុរសសញ្ជាតិបារាំងខាងលើនេះបានចូលទឹកដីប្រទេសដោយមិនស្របច្បាប់៕

ចុចអាន៖ HongMeng OS មានចំណុចខ្លាំងមួយ មិនឲ្យងាប់ក្រឡាដូចគន្លង OS មុនៗ

ប្រភព៖ Bangkokpost ប្រែសម្រួល៖ សុខហេង