សិង្ហបុរី៖ បុរសម្នាក់ត្រូវផាកពិន័យជាង ២០០ដុល្លារ ដោយសារបាញ់កៅស៊ូធ្លាក់ចូលផ្លូវសាធារណៈ

2019-05-27 10:49:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បុរសម្នាក់ ត្រូវបានពិន័យជាទឹកប្រាក់ ៣០០ដុល្លារសិង្ហបុរី (ប្រហែល ២១៨ដុល្លារអាមេរិក) ក្រោយលេងបាញ់កៅស៊ូកង ហើយធ្លាក់លើផ្លូវសាធារណៈ។ នេះបើតាមការឲ្យដឹងរបស់ទីភ្នាក់ងារបរិស្ថានជាតិសិង្ហបុរី នាថ្ងៃទី២៧ ខែឧសភានេះ។

សារព័ត៌មាន Channel News Asia បានបង្ហោះសំបុត្រផាកពិន័យ ដែលចេញដោយទីភ្នាក់ងារខាងលើ។ លើសំបុត្រនោះ បានបញ្ជាក់ថា ការពិន័យនេះ គឺពីបទ បាញ់កៅស៊ូលេងនៅទីតាំងសាធារណៈ។ បើមិនបង់តាមការកំណត់ទេ បុរសរូបនោះ ត្រូវប្រឈមមុខនឹងតុលាការ និងប្រឈមការពិន័សធ្ងន់ធ្ងរជាងនេះ។

សំបុត្រផាកពិន័យ

ទីភ្នាក់ងារដដែល បានបញ្ជាក់ថា ហេតុការណ៍នេះ បានកើតឡើងកាលពីថ្ងៃព្រហស្បតិ៍សប្ដាហ៍មុន។

សូមបញ្ជាក់ថា កាលពីថ្ងៃទី១៦ ខែឧសភាកន្លងទៅ បុរស២នាក់ ក៏ត្រូវបានផាកពិន័យម្នាក់ ៣០០ដុល្លារសិង្ហបុរីផងដែរ ក្រោយទុកកំប៉ុងភេសជ្ជៈដែលផឹករួច នៅលើប្រអប់ឈើមួយ នៅខាងក្រៅស្ថានីយ៍ MRT៕

ប្រភព៖ Channelnewsasia ប្រែសម្រួល៖ ឈិន មិថុនា