ជប៉ុន យល់ព្រមទិញយន្តហោះបំបាំងកាយជាង ១០០គ្រឿង ពីអាមេរិក
- 2019-05-28 02:19:49
- ចំនួនមតិ 0 | ចំនួនចែករំលែក 0
ជប៉ុន យល់ព្រមទិញយន្តហោះបំបាំងកាយជាង ១០០គ្រឿង ពីអាមេរិក
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានអះអាងថា ប្រទេសជប៉ុន បានយល់ព្រមទិញយន្តហោះបំបាំងកាយ F-35 (stealth figter jet) របស់អាមេរិក ចំនួន១០៥គ្រឿង ដែលនេះជាការទិញដ៏ធំបំផុតក្នុងចំណោមសម្ព័ន្ធមិត្តរបស់អាមេរិក។ លោកបញ្ជាក់ដូច្នេះ កាលពីថ្ងៃទី២៧ ខែឧសភា ឆ្នាំ២០១៩ ក្រោយជំនួបជាមួយលោក អាបេ ស៊ីនហ្ស៊ូ នៅក្រុងតូក្យូ។
ការសម្រេចយល់ព្រមបែបនេះ បន្ទាប់ពីយន្តហោះចម្បាំង F-35A ដែលកំពុងបម្រើក្នុងជួរកងទ័ពជប៉ុន បានជួបនូវបញ្ហាបច្ចេកទេសជាច្រើន ពោលគឺកាលពី២ឆ្នាំមុន មានយន្តហោះយ៉ាងហោចចំនួន ៧គ្រឿង បានចុះចតជាបន្ទាន់។ មិនតែប៉ុណ្ណោះ កាលពីដើមខែមេសាកន្លងទៅនេះ យន្តហោះចម្បាំង១គ្រឿង បានបាត់ចេញពីរ៉ាដា ហើយបានធ្លាក់ចូលក្នុងសមុទ្រជប៉ុនភាគខាងជើង។
រដ្ឋបាលដូណាល់ ត្រាំ បានរកឃើញទីផ្សារលក់យន្តហោះ F-35 នៅជប៉ុននេះ បន្ទាប់ពីអាមេរិក បានគំរាមផ្អាកកម្មវិធីពាក់ព័ន្ធនឹងយន្តហោះ F-35 ជាមួយតួកគី បន្ទាប់ពីសម្ព័ន្ធមិត្តអាមេរិកមួយនេះ បានសម្រេចចិត្តទិញខែលមីស៊ីល S-400 ពីរុស្ស៊ី៕