ផ្លូវហាយវេនៅតៃវ៉ាន់ សុទ្ធតែយន្តហោះចម្បាំង!

2019-05-28 06:41:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យន្តហោះចម្បាំងតៃវ៉ាន់រាប់គ្រឿង បានចុះចតនៅលើផ្លូវហាយវេមួយកន្លែង នៅថ្ងៃទី២៨ ខែឧសភា ឆ្នាំ២០១៩ ដែលជាផ្នែកនៃសមយុទ្ធប្រចាំឆ្នាំមួយ ដើម្បីពង្រឹងសមត្ថភាពយោធា និងទប់ទល់ការវាយប្រហារណាមួយមកលើកោះតៃវ៉ាន់។

រូបថត៖ AP

ប្រធានាធិបតីតៃវ៉ាន់ លោកស្រី Tsai Ing-wen បានត្រួតពិនិត្យមើលសមយុទ្ធនេះដោយផ្ទាល់ ដែលធ្វើឡើងស្រុក Changhua នៅមិនឆ្ងាយប៉ុន្មានឡើយពីមូលដ្ឋានទ័ពអាកាសដ៏សំខាន់នៅ Taichung។

លោកស្រីបានថ្លែងថា សន្តិសុខជាតិរបស់តៃវ៉ាន់ បានប្រឈមមុខនឹងការគំរាមជាច្រើន ពិសេសគឺលោកស្រីបានសំដៅលើកងទ័ពចិន ដែលបានគំរាមកំហែងខ្លាំងចំពោះសន្តិភាព និងស្ថិរភាពក្នុងតំបន់។ «យើងត្រូវតែរក្សាការត្រៀមខ្លួនខ្ពស់»។

សូមជម្រាបថា យន្តហោះដែលចូលរួមក្នុងសមយុទ្ធនេះ រួមមានយន្តហោះF-16, យន្តហោះ Mirage 2000s, យន្តហោះ IDF និងយន្តហោះឈ្លបការណ៍ E-2 Hawkeye។ អ្វីដែលគួរឱ្យកត់សម្គាល់នោះ ក្នុងសមយុទ្ធនេះ តៃវ៉ាន់បានបញ្ចេញយន្តហោះថ្មីគឺ F-16V ដែលបានធ្វើកំណែប្រែពី F-16A៕

ចុចអាន៖

-តៃវ៉ាន់ ផ្លាស់ប្តូរឈ្មោះស្ថានទូតនៅអាមេរិក ដោយមិនខ្លាចចិន

-រដ្ឋ ១៧ចុងក្រោយដែលនៅមានទំនាក់ទំនងការទូតជាមួយតៃវ៉ាន់

ប្រភព៖ South China Morning Post ប្រែសម្រួល៖ សំភី