លោក ដូណាល់ ត្រាំ ចាប់អារម្មណ៍នឹងនាវាសង្គ្រាម១គ្រឿងរបស់ជប៉ុន
- 2019-05-28 07:36:28
- ចំនួនមតិ 0 | ចំនួនចែករំលែក 0
លោក ដូណាល់ ត្រាំ ចាប់អារម្មណ៍នឹងនាវាសង្គ្រាម១គ្រឿងរបស់ជប៉ុន
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានបង្ហាញការចាប់អារម្មណ៍ចំពោះនាវាសង្គ្រាមដ៏ធំបំផុតរបស់ជប៉ុនឈ្មោះ Kaga ក្នុងអំឡុងពេលបានធ្វើទស្សនកិច្ចលើនាវានេះ នាថ្ងៃទី២៨ ខែឧសភា ឆ្នាំ២០១៩ នៅមូលដ្ឋានទ័ពជើងទឹក Yokosuka ក្នុងខេត្ត Kanagawa អមដំណើរដោយនាយករដ្ឋមន្រ្តីជប៉ុន លោក អាបេ ស៊ីនហ្សូ។
សូមជម្រាបថា Kaga គឺជានាវាផ្ទុកឧទ្ធម្ភាគចក្រ ប្រឆាំងនឹងនាវាមុជទឹក។ នាវានេះ នឹងត្រូវធ្វើកំណែប្រែដោយអាចផ្ទុកយន្តហោះ F-35B បានក្នុងពេលឆាប់ៗខាងមុខនេះ។ កាលពីឆ្នាំមុន នាវានេះ បានធ្វើដំណើរទៅប្រទេសឥណ្ឌា ដោយឆ្លងកាត់សមុទ្រចិនខាងត្បូងទៀតផង។
ប្រធានាធិបតីរូបនេះ បានអះអាងថា រដ្ឋាភិបាលជប៉ុន បានយល់ព្រមទិញយន្តហោះបំបាំងកាយ F-35 (stealth figter jet) របស់អាមេរិក ចំនួន១០៥គ្រឿង ដែលនេះជាការទិញដ៏ធំបំផុតក្នុងចំណោមសម្ព័ន្ធមិត្តរបស់អាមេរិក។ ការយល់ព្រមទិញយន្តហោះដែលមានតម្លៃសរុបប្រមាណ ១០ពាន់លានដុល្លារនេះ ត្រូវបានប្រទេសទាំង២ ពិភាក្សាគ្នា តាំងពីខែធ្នូ ឆ្នាំ២០១៨៕
ចុចអានបន្ថែម៖ ជប៉ុន យល់ព្រមទិញយន្តហោះបំបាំងកាយជាង ១០០គ្រឿង ពីអាមេរិក