Hazard ចង់ជួបអតីតក្លឹប ២ នៅ Champions League ក្រោយជួយ Chelsea លើកពាន UEL

2019-05-30 02:02:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយជួយឲ្យក្រុមតោខៀវ Chelsea យកឈ្នះ Arsenal ដោយលទ្ធផល ៤-១ លើកពានអឺរ៉ុបលំដាប់ទី ២ UEFA Europa League កាលពីយប់មិញរួចមក កីឡាករឆ្នើម Eden Hazard បានបង្ហើបពីដំណឹងចាកចេញពីទីក្រុងឡុងដ៏ ទៅចូលរួមជាមួយក្រុមអេស្ប៉ាញ Real Madrid រដូវកាលក្រោយ។

Eden Hazard ក្រោយជួយ Chelsea លើកពាន UEL

Hazard បាននិយាយប្រាប់សារព័ត៌មានក្រោយចប់ការប្រកួតថា "ខ្ញុំស្រលាញ់ក្លឹប Chelsea ព្រោះខ្ញុំមានថ្ងៃនេះដោយសារក្លឹប តែយ៉ាងណា ការប្រកួតលើទីលានត្រូវតែជួបគ្នា ជៀសមិនរួច ដូចនេះខ្ញុំចង់ជួបអតីតក្រុមដែលខ្លួនធ្លាប់លេងគឺ Lille OSC និង Chelsea តែម្ដងនៅរដូវកាលក្រោយ។”

យោងតាមការបញ្ជាក់ច្បាស់ៗនេះជាសញ្ញាប្រាប់ថា Man of the match ប្រចាំការប្រកួតវគ្គផ្ដាច់ព្រ័ត្ររូបនេះ អាចនឹងចាកចេញប្រាកដមែន បើការចរចាររវាង Real Madrid និង Chelsea បានបញ្ចប់។

សូមបញ្ជាក់ដែរថា Hazard បានផ្ទេរពីក្លឹបបារាំង Lille មកចូលរូមជាមួយក្លឹប Chelsea នៅឆ្នាំ ២០១២ ដោយបង្ហាញខ្លួនបាន ៣៥២ដង និងរកគ្រាប់បាល់បាន ១១០គ្រាប់៕

ប្រភព៖ Goal ប្រែសម្រួល៖ រក្សា