កំណត់ត្រាសំខាន់ៗអ្នកគួរដឹង បន្ទាប់ពី Chelsea លើកពាន Europa League

2019-05-30 02:34:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពីក្រុមតោខៀវ Chelsea យកឈ្នះ Arsenal ដោយលទ្ធផល ៤-១ លើកពានអឺរ៉ុបលំដាប់ទី ២ UEFA Europa League កាលពីយប់មិញរួចមក មានកំណត់ត្រាជាច្រើនត្រូវចារទុកជាប្រវត្តិសាស្ត្ររបស់ក្លឹប។

ខាងក្រោមនេះកំណត់ត្រា ពីការប្រកួតវគ្គផ្ដាច់ព្រ័ត្រយប់មិញ៖

-ក្លឹប Chelsea ឈ្នះពាន UEFA Europa League ២ ដង, Champions League ១ ដង, UEFA Cup Winners' Cups ២ ដង, FA Cups ៨ ដង, League Cups ៥ ដង, FA Community Shields ៦ ដង។

-Eden Hazard រកបាន ២ គ្រាប់ក្លាយជាកីឡាករដំបូងគេ លេងឲ្យក្រុមអង់គ្លេសនៅពានអឺរ៉ុប ដែលកំណត់ត្រានេះធ្លាប់ធ្វើបានដោយកីឡាករ Mark Hughes របស់ Man Utd ធ្វើបាននៅពានអឺរ៉ុបឆ្នាំ ១៩៩១ (Cup Winner cup)។

-ជម្រើស ១១ នាក់ដំបូងរបស់ Chelsea យប់មិញ គ្មានកីឡាករជនជាតិអង់គ្លេសសូម្បីម្នាក់។

-អ្នកចាំទី Petr Cech ភ្លាត់ឲ្យគេទាត់ចូល ៤ គ្រាប់ជាលើកទី ៣ ក្នុងការបង្ហាញខ្លួនលេងពានអឺរ៉ុប។

-ខ្សែបម្រើ Pedro ក្លាយជាកីឡាករទី ៥ ដែលរកគ្រាប់បាល់បានទាំងនៅ European Cup / Champion League / Uefa Cup និង Europa League។ កំណត់ត្រានេះធ្លាប់ធ្វើបានកីឡាករ Allan Simonsen, Dmitri Alenichev, Hernan Crespo និង Steven Gerrad។

-កីឡាករ Olivier Giroud ក្លាយជាកីឡាករដំបូងដែលអាចរកបាន ១១ គ្រាប់ក្នុងការប្រកួតពានអឺរ៉ុប។ កំណត់ត្រានេះធ្លាប់ធ្វើបាននៅឆ្នាំ ២០០៤-២០០៥ លេងឲ្យ Newcatle United។

-ក្លឹប Chelsea ឈ្នះការប្រកួត ១២ ដងនៅពានEuropa League ១២ រដូវកាល ២០១៨-២០១៩ ក្លាយជាក្រុមដែលឈ្នះច្រើនជាងគេនៅការប្រកួតពានអឺរ៉ុប។ កំណត់ត្រានេះធ្លាប់ធ្វើបានដោយក្លឹប Atlectico Madrid នៅរដូវកាល ២០១២-២០១៣។

-តោខៀវ Chelsea ក្លាយជាក្រុមដំបូងគេដែលលើកពានអឺរ៉ុបដោយមិនចាញ់សូម្បីមួយប្រកួត(ឈ្នះ ១២ ស្មើ ៣ដង)។ កំណត់ត្រានេះធ្លាប់ធ្វើបានដោយ Manchester United នៅឆ្នាំ ២០០៧-២០០៨ នៅពាន UCL។

-ក្រុម Arsenal បានចាញ់ ៥ ដងក្នុងការប្រកួត ៦ លើកនៅពានអឺរ៉ុបវគ្គផ្ដាច់ព្រ័ត្រ។ គិតទាំងការឡើងទៅលើកចុងក្រោយទី ៥ ឆ្នាំ ២០១៩ ពាន Europa League, ពាន Champion League ឆ្នាំ ២០០៦, UEFA CUP ឆ្នាំ ២០០០ និងនៅឆ្នាំ ១៩៩៥ ហៅថាពាន Cup Winner Cup។

-Arsenal ភ្លាត់ឲ្យគេស៊ុតចូល ៤ គ្រាប់ជាលើកទី ២ ដែលលើកដំបូងចាញ់ Bayern Munich ៥-១ កាលឆ្នាំ ២០១៧៕