ក្រសួងឧតុនិយម ជូនដំណឹងពីការធ្លាក់ភ្លៀងជាប់ៗគ្នាពីថ្ងៃទី៣១ ឧសភា ដល់ ៥ មិថុនា

2019-05-31 01:03:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងធនធានទឹក និងឧតុនិយម បានជូនដំណឹងឱ្យដឹងនូវស្ថានភាពអាកាសធាតុរបស់កម្ពុជាដូចខាងក្រោមនេះ៖

១. ចាប់ពីថ្ងៃទី៣១ ខែឧសភា ដល់ថ្ងៃទី១ ខែមិថុនា ភ្លៀងនៅតែបន្តធ្លាក់ក្នុងកម្រិតពីខ្សោយទៅមធ្យម នៅរាជធានី និងបណ្តាខេត្តភាគខាងក្រោម ពិសេសខេត្តជាប់ព្រំប្រទល់ប្រទេសវៀតណាម។

២. ចាប់ពីថ្ងៃទី២ ដល់ ៥ ខែមិថុនា ភ្លៀងនឹងចុះខ្សោយស្ទើរទូទាំងប្រទេស។

៣. ចាប់ពីថ្ងៃទី៥ ខែមិថុនា ភ្លៀងនឹងបន្តធ្លាក់ និងមានភាពរាយប៉ាយបានល្អឡើងវិញ។

ការជូនដំណឹងខាងលើនេះ បន្ទាប់ពីក្រសួងបានតាមដានឃើញថាប្រព័ន្ធសម្ពាធទាបដែលបានកកើតកន្លងមក នៅតែបន្តស្ថិតនៅលើតំបន់អាងទន្លេមេគង្គចំណុចព្រំប្រទល់ប្រទេសថៃ និងឡាវ។ ដោយឡែកកម្ពុជា ក៏បានទទួលចំណែកពីប្រព័ន្ធសម្ពាធទាបនេះផងដែរ គួបផ្សំនឹងខ្យល់មូសុងនីរតីខ្សោយ។

ជាមួយគ្នានេះ ក្រសួងអំពាវនាវឱ្យបន្តមានការប្រុងប្រយ័ត្នខ្ពស់ចំពោះបាតុភូតផ្គររន្ទះ និងខ្យល់កន្រ្តាក់៕

អត្ថបទ៖ សំភី