ចិន-រុស្ស៊ី នឹងចុះកិច្ចព្រមព្រៀងចំនួន៣០ ក្នុងអំឡុងទស្សនកិច្ចរបស់លោកស៊ី ជិនពីង នៅក្រុងមូស្គូ

2019-05-31 03:42:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចិន និងរុស្ស៊ី គ្រោងចុះហត្ថលេខាលើកិច្ចព្រមព្រៀងចំនួន៣០ ក្នុងអំឡុងទស្សនកិច្ចរបស់ប្រធានាធិបតីចិន លោក ស៊ី ជិនពីង នៅប្រទេសរុស្ស៊ី នាដើមខែមិថុនា ឆ្នាំ២០១៩ខាងមុខនេះ។ នេះបើតាមការបញ្ជាក់របស់លោក Zhang Hanhui អនុរដ្ឋមន្រ្តីការបរទេសចិន កាលពីថ្ងៃទី៣០ ខែឧសភា ឆ្នាំ២០១៩។

លោក ពូទីន និងលោក ស៊ី ជិនពីង ក្នុងជំនួបនាពេលកន្លងមក (រូបថត៖ TASS)

ទោះជាយ៉ាងណាលោកមិនទាន់អាចបញ្ជាក់លម្អិតអំពីកិច្ចព្រមព្រៀងនោះបានឡើយ ដោយលោកគ្រាន់តែលើកឡើងថា ប្រធានាធិបតីប្រទេសទាំង២ នឹងចុះហត្ថលេខាលើសេចក្តីថ្លែងការណ៍រួមចំនួន២ ក្នុងនោះទី១ ផ្តោតលើទំនាក់ទំនងទ្វេភាគី និងទី២ ផ្តោតលើបញ្ហាអន្តរជាតិ និងស្ថិរភាពយុទ្ធសាស្រ្តនៃផលប្រយោជន៍ទៅវិញទៅមក។

ក្រៅពីនេះ កិច្ចព្រមព្រៀងផ្សេងទៀតនឹងផ្តោតទៅលើកិច្ចសហប្រតិបត្តិការសេដ្ឋកិច្ច ពាណិជ្ជកម្ម ថាមពល វិនិយោគ និងវិស័យផ្សេងៗទៀត៕

ប្រភព៖ TASS ប្រែសម្រួល៖ សំភី