ស្ថានភាពអាកាសធាតុកម្ពុជា ពីថ្ងៃទី៥ ដល់ ១១ ខែមិថុនា
- 2019-06-04 01:25:32
- ចំនួនមតិ 0 | ចំនួនចែករំលែក 0
ស្ថានភាពអាកាសធាតុកម្ពុជា ពីថ្ងៃទី៥ ដល់ ១១ ខែមិថុនា
ចន្លោះមិនឃើញ
ក្រសួងធនធានទឹក និងឧតុនិយម បានជូនដំណឹងថា ចាប់ពីថ្ងៃទី៥ ដល់ ១១ ខែមិថុនា ឆ្នាំ២០១៩ កម្ពុជា នឹងមានភ្លៀងនឹងធ្លាក់ក្នុងកម្រិតពីមធ្យមទៅបង្គួរ ដោយកន្លែងខ្លះអាចខ្លាំងជាលក្ខណៈឡូកាល។ ទន្ទឹមនោះ ភាពរាយប៉ាយ ក៏កាន់តែបានធំទូលាយ។
ក្រសួងបន្តថា ឆ្នាំ២០១៩ ជាឆ្នាំ El Nino។ កម្ពុជាក៏បាននឹងកំពុងទទួលនូវឥទ្ធិពលនេះផងដែរ។ រហូតមកដល់ពេលនេះ ឥទ្ធិពលនេះ មិនទាន់បានបញ្ចប់នៅឡើយទេ គ្រាន់តែឥទ្ធិពលមានការថមថយចុះបន្តិចប៉ុណ្ណោះ។
ចំណែកបាតុភូតផ្គររន្ទះ និងខ្យល់កន្រ្តាក់ នៅតែបន្តកើតមាន។
ការជូនដំណឹងខាងលើនេះ បន្ទាប់ពីក្រសួងបានតាមដានឃើញថា ជ្រលងសម្ពាធទាប ដែលកំពុងអូសបន្លាយលើកម្ពុជាភាគខាងលើ គួបផ្សំនឹងខ្យល់មូសុងនិរតីដែលមានឥទ្ធិពលកើនឡើងវិញ ធ្វើឱ្យស្ថានភាពអាកាសធាតុមានលក្ខណៈអំណោយផលល្អដល់កម្ពុជា៕