នំបញ្ចុក​ ជា​នំ​ដ៏​ពេញ​និយម​មួយប្រភេទ​របស់​ខ្មែរ ដែល​មាន​តាំង​ពី​យូរ​លង់​ណាស់​មក​ហើយ។ នំបញ្ចុកមានឈ្មោះ ដើមថានំប៉ែនចុក គឺជានំដែលគេយកម្សៅសម្រស់ទៅស្ងោរហើយបុកលាយទឹក រួចយកទៅចាក់ក្នុងប៉ែន ទើបយកស្នូលឈើចុកសង្កត់ ដើម្បី​រោយ​ទម្លាក់​ជាសរសៃក្នុងទឹកពុះឲ្យ ឆ្អិន ក្រោយមកគេស្រង់ចាប់ជាចង្វាយៗ ដាក់ជាលឬកញ្ច្រែង ទុកឲ្យស្រស់ទឹក។

ដោយសារ​ភាព​ល្បីល្បាញ​របស់​នំ​បញ្ចុក ទើប​មាន​បទចម្រៀង​ដែល​ច្រៀង​ទាក់​ទង​នឹង​នំ​នេះ តាំង​ពី​ជំនាន់​អធិរាជ​សំឡេង​មាស ស៊ីន ស៊ីសាមុត អំឡុង​ទសវត្ស​ឆ្នាំ ១៩៧០ លោក​ព្រាប សុវត្ថិ អំឡុង​ឆ្នាំ ២០០៥ និង​រហូត​មក​ដល់​ពន្លក​អ្នកចម្រៀង​ជំនាន់​ថ្មី ពេជ្រ ថៃ, ទេព ពិសិដ្ឋ, ឡុង លីគ័ង្គ នា​ឆ្នាំ​២០១៩ នេះ។

សូមទស្សនា​ចម្រៀង​ទាំង ៣ បទ​នោះ ដូចខាងក្រោមនេះ៖

• បទ "ជ័យលក់នំបញ្ចុក" (ដកស្រង់​ពី​រឿង អនអើយស្រីអន) ច្រៀង​ដោយ​លោក ស៊ីន ស៊ីសាមុត

• បទ "នំបញ្ចុក ព្រាប សុវត្ថិ" ច្រៀង​ដោយ​លោក ព្រាប សុវត្ថិ

• បទ "នំបញ្ចុកយាយខ្ញុំ" ច្រៀង​ដោយ​ ពេជ្រ ថៃ, ទេព ពិសិដ្ឋ និង ឡុង លីគ័ង្គ