អាមេរិក សម្រេចលក់ដ្រូនយោធា ៣៤គ្រឿង ឱ្យវៀតណាម និងប្រទេសអាស៊ាន៣ទៀត
- 2019-06-04 03:21:34
- ចំនួនមតិ 0 | ចំនួនចែករំលែក 0
អាមេរិក សម្រេចលក់ដ្រូនយោធា ៣៤គ្រឿង ឱ្យវៀតណាម និងប្រទេសអាស៊ាន៣ទៀត
ចន្លោះមិនឃើញ
ក្រុមហ៊ុន Insitu ដែលជាបុត្រសម្ព័ន្ធក្រុមហ៊ុន Boeing បានទទួលសិទ្ធិក្នុងការចុះកុងត្រាលក់ដ្រូនយោធា ចំនួន៣៤គ្រឿង តម្លៃសរុបជិត ៤៨លានដុល្លារ ឱ្យទៅប្រទេសអាស៊ានចំនួន៤ គឺ ម៉ាឡេស៊ី ឥណ្ឌូណេស៊ី ហ្វីលីពីន និងវៀតណាម ដែលសុទ្ធសឹងជាប្រទេសមានជម្លោះជាមួយចិន ក្នុងបញ្ហាសមុទ្រចិនខាងត្បូង។ នេះបើតាមសេចក្តីប្រកាសព័ត៌មានរបស់ក្រសួងការពារជាតិអាមេរិក កាលពីចុងខែឧសភាកន្លងទៅ។
តម្លៃនៃការលក់នេះ ក៏រួមបញ្ចូលទាំងគ្រឿងបន្លាស់, ការជួសជុល, ឧបករណ៍បរិក្ខារគាំទ្រ, ការបណ្តុះបណ្តាល និងសេវាបច្ចេកទេសផងដែរ។ ការផលិតដ្រូននេះ គ្រោងនឹងបញ្ចប់នៅអំឡុងខែមីនា ឆ្នាំ២០២២។
ដ្រូនយោធាដែលមានឈ្មោះថា ScanEagle នេះ គឺមានទំហំតូច និងអាចហោះហើរបានជាប់ជាង ២០ម៉ោង។ វាត្រូវបានប្រើប្រាស់សម្រាប់ឈ្លបការណ៍ និងចារកម្មសមរភូមិជាដើម៕