លោក ដូណាល់ ត្រាំ មិនសោកស្តាយឡើយ ដែលមិនបានចូលធ្វើសង្គ្រាមនៅវៀតណាម ក្នុងឆ្នាំ១៩៦៨

2019-06-06 04:11:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានបញ្ជាក់ថា លោកមិនមានការសោកស្តាយឡើយដែលមិនបានចូលបម្រើក្នុងជួរទ័ព ដើម្បីទៅធ្វើសង្គ្រាមនៅវៀតណាម ក្នុងឆ្នាំ១៩៦៨ ព្រោះលោកមិនមែនជាអ្នកគាំទ្រ «Fan» សង្គ្រាមនេះឡើយ។ លោកថ្លែងដូច្នេះ ក្នុងកិច្ចសម្ភាសន៍មួយ ក្នុងពេលលោកចូលរួមពិធីរំលឹកខួបលើកទី៧៥ នៃថ្ងៃ D-Day នៅប្រទេសអង់គ្លេស កាលពីថ្ងៃទី៥ ខែមិថុនា ឆ្នាំ២០១៩។

រូបថត៖ BBC

លោកថ្លែងដូច្នេះថា៖ «**ខ្ញុំមិនដែលគាំទ្រសង្គ្រាមនោះទេ។ ខ្ញុំនិយាយដោយស្មោះត្រង់ជាមួយអ្នក។ ខ្ញុំគិតថា វាជាសង្គ្រាមដ៏គួរឱ្យខ្លាចរអា។ ខ្ញុំគិតថា វានៅឆ្ងាយណាស់**»។

ប្រធានាធិបតីរូបនេះបន្តថា៖ «អ្នកកំពុងនិយាយអំពីវៀតណាម ហើយពេលនោះ គ្មានអ្នកណាធ្លាប់បានលឺអំពីប្រទេសនេះឡើយ»។

សូមរំលឹកថា លោក ដូណាល់ ត្រាំ បានបញ្ចប់ការសិក្សាពីសាលាហិរញ្ញវត្ថុ Wharton ក្នុងឆ្នាំ១៩៦៨ នៅអាយុ ២២ឆ្នាំ។ បន្ទាប់ពីបញ្ចប់ការសិក្សានេះ បានធ្វើឱ្យលោកមានលក្ខណៈសម្បត្តិគ្រប់គ្រាន់ ក្នុងការធ្វើសង្គ្រាមនៅវៀតណាម ខណៈទ័ពអាមេរិកប្រហែលកន្លះលាននាក់ ត្រូវបានបញ្ជូនទៅប្រទេសអាស៊ាននេះ។ ប៉ុន្តែលោកមិនបានចូលរួមក្នុងសង្គ្រាមនេះឡើយ ដោយសារលោកមានបញ្ហាសុខភាពពោលគឺមានបញ្ហាឆ្អឹងកែងជើង។ ជំនួសមកវិញ លោកត្រាំ បានចូលរួមក្នុងមុខជំនួញជាមួយឪពុករបស់លោក៕

ប្រភព៖ Japantimes ប្រែសម្រួល៖ សំភី