ONE កំណត់ថ្ងៃប្រកួតជាថ្មី រវាងអ្នកប្រដាល់ថៃ ពេជ្រ មរកត និង Petrosyan

2019-06-07 07:20:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់ថៃដែលទើបបួសជាសង្ឃ Petchmorakot Petchyindee Academy នឹងត្រូវប៉ះកំពូលកីឡាករប្រដាល់ Kickboxing អ៊ីតាលី Giorgio Petrosyan ជាថ្មី ក្នុងវគ្គ៨នាក់ចុងក្រោយ នៃកម្មវិធីដណ្ដើមប្រាក់១លានដុល្លារ ONE Super Series Featherweight Kickboxing World Grand Prix ក្រោយលទ្ធផលជួបគ្នាលើកមុន ត្រូវចាត់ទុកជាមោឃៈ។ ជំនួបកាត់សេចក្ដីនេះ នឹងធ្វើឡើងនៅក្នុងព្រឹត្តិការណ៍ ONE: MASTERS OF DESTINY ថ្ងៃទី១២ ខែកក្កដា នៅទីក្រុងកូឡាឡាំពួរ ប្រទេសម៉ាឡេស៊ី។

នេះបើយោងតាមសេចក្ដីប្រកាសព័ត៌មានរបស់ ONE Championship ដែល [ខ្លីៗ] ទទួលបាន នារសៀលថ្ងៃទី៧ ខែមិថុនានេះ។

កីឡាករទាំង២ ប៉ះគ្នាលើកទី១ កាលពីខែឧសភា (រូបភាព៖ ONE Championship)

គួររំលឹកផងដែរថា កាលពីថ្ងៃទី២៣ ខែឧសភាកន្លងទៅ លោក Chatri Sityodtong ប្រធាន និងជានាយកប្រតិបត្តិ ONE Championship បានប្រកាសថា លទ្ធផលនៃការប្រកួតរវាងកីឡាករទាំង២ (Petchmorakot ឈ្នះ Petrosyan ដោយពិន្ទុមិនឯកច្ឆ័ន្ធ) កាលពីថ្ងៃទី១៧ ខែមេសា នៅសិង្ហបុរី ត្រូវទុកជាមោឃៈ ហើយកីឡាករទាំង២ ត្រូវប្រកួតគ្នាជាថ្មី។

ក្រោយការប្រកាសនោះ លោក Nuttadaj Vachirarattanawong ប្រធានក្លឹបប្រដាល់ Petchyindee Academy បានប្រកាសថាពេជ្រ មរកត នឹងមិនវ៉ៃឡើងវិញនោះទេ។ បន្ទាប់មក ពេជ្រ មរកត ក៏បានៅទៅបួស ដូចការសន្យាជាមួយអ្នកគាំទ្រ ដែលថាខ្លួននឹងទៅបួស ប្រសិនបើឈ្នះ។

យ៉ាងណាក្ដី ការជួបគ្នាជាថ្មីត្រូវបានកំណត់រួចហើយ បានន័យថា កីឡាករទាំង២ សុទ្ធតែព្រមប្រកួតជាថ្មី។ អ្នកឈ្នះ នឹងឡើងទៅប៉ះអ្នកប្រដាល់ថៃ Jo Nattawut នាវគ្គ ៤នាក់ចុងក្រោយ។

សូមទស្សនាវីដេអូនៃការប្រកួតលើកទី១ របស់កីឡាករទាំង២ ខាងក្រោមនេះ៖

សូមបញ្ជាក់ថា ការប្រកួតគ្នាជាថ្មីរបស់កីឡាករទាំង២ គឺជាគូឯក (main event) ក្នុងព្រឹត្តិការណ៍ ONE: MASTERS OF DESTINY។ គូប្រកួតផ្សេងទៀត ក្នុងព្រឹត្តិការណ៍នោះ មានដូចខាងក្រោម៖

Angela Lee vs Michelle Nicolini (MMA)