ឡាវ៖ រកឃើញមន្រ្តី និងអ្នកជំនួញជិត ១៣០០នាក់ មានជាប់ពាក់ព័ន្ធនឹងអំពើពុករលួយ
- 2019-06-10 02:18:46
- ចំនួនមតិ 0 | ចំនួនចែករំលែក 0
ឡាវ៖ រកឃើញមន្រ្តី និងអ្នកជំនួញជិត ១៣០០នាក់ មានជាប់ពាក់ព័ន្ធនឹងអំពើពុករលួយ
ចន្លោះមិនឃើញ
មនុស្សប្រហែល ១២៨៥នាក់ ត្រូវបានរកឃើញថាមានជាប់ពាក់ព័ន្ធនឹងអំពើពុករលួយនៅប្រទេសឡាវ ដែលធ្វើឱ្យរដ្ឋាភិបាលខាតបង់ទឹកប្រាក់ប្រមាណ ៩៩៩ពាន់លានគីប (ជាង ១១៥លានដុល្លារ) ក្នុងឆ្នាំ២០១៨។ នេះបើតាមការថ្លែងរបស់លោក ថងលូន ស៊ីសូលីត នាយករដ្ឋមន្រ្តីឡាវ ក្នុងកិច្ចប្រជុំសភាកាលពីថ្ងៃទី៧ ខែមិថុនា ឆ្នាំ២០១៩។
លោកនាយករដ្ឋមន្រ្តីឡាវ បន្តថា ទឹកប្រាក់ប្រមាណ ២៦,៥ ពាន់លានគីប (ជាង ៣លានដុល្លារ) ត្រូវបានប្រមូលយកមកវិញ ពីជនប្រព្រឹត្តអំពើពុករលួយ ហើយអាជ្ញាធរកំពុងស្វែងរកលុយដែលបាត់បង់បន្ថែមទៀត។
មន្រ្តីរដ្ឋប្រហែល ៨៤៩នាក់ ត្រូវបានរដ្ឋាភិបាលឡាវដាក់ពិន័យរួចហើយ ហើយតុលាការក៏បានធ្វើការចោទប្រកាន់មនុស្សមួយចំនួនទៀត ពីបទអំពើពុករលួយផងដែរ។
«រដ្ឋាភិបាលមិនបានបណ្តែតបណ្តោយឡើយ ព្រោះបញ្ហានេះ (ពុករលួយ) គឺជាផលប្រយោជន៍ដ៏ធំរបស់ប្រជាជន សមាជិកសភា និងមន្រ្តី។ នេះជាអ្វីដែលបានធ្វើ ហើយវិធានការប្រឆាំងអំពើពុករលួយ នៅតែបន្តធ្វើឡើង»។ នេះជាការលើកឡើងបន្ថែមរបស់លោក ថងលូន ស៊ីសូលីត៕