ចិន កំពុងអភិវឌ្ឍប្រព័ន្ធរ៉ាដា ដើម្បីចាប់សញ្ញាយន្តហោះបំបាំងកាយ

2019-06-12 04:05:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសចិន កំពុងអភិវឌ្ឍប្រព័ន្ធរ៉ាដាមួយ ដែលអាចអង្កេតចាប់សញ្ញាយន្តហោះចម្បាំងបំបាំងកាយ (stealth fighter) ពីចម្ងាយឆ្ងាយបាន។ នេះបើតាមការបញ្ជាក់របស់លោក Liu Yongtan សមាជិកបណ្ឌិត្យសភាវិទ្យាសាស្រ្តចិន (CAS) ទៅកាន់ទស្សនាវដ្តី Naval និង Merchant Ship ហើយត្រូវបានសារព័ត៌មានក្នុងស្រុកចិន Global Times ចេញផ្សាយកាលពីថ្ងៃទី១០ ខែមិថុនា ឆ្នាំ២០១៩។

រូបថត៖ វិបសាយ South China Morning Post

លោក Liu អះអាងថា ប្រព័ន្ធរ៉ាដានេះ អាចអង្កេតឃើញនូវវត្ថុ (សព្វាវុធសត្រូវ) ទាំងក្នុងទឹក និងលើអាកាស នៅចម្ងាយប្រមាណ ៤០០គីឡូម៉ែត្របាន ដែលជួយពង្រីកនូវខ្សែការពារដែនទឹក និងប្រព័ន្ធការពារជាតិចិន។

ការអភិវឌ្ឍប្រព័ន្ធរ៉ាដានេះ ដោយសារតែបច្ចុប្បន្ន យន្តហោះបំបាំងកាយ មានដូចជាយន្តហោះអាមេរិក F-35 និង F-22 ឬយន្តហោះចិន J-20 និង J-31 ជាដើម ត្រូវបានផលិតឡើងដើម្បីលាក់ខ្លួនពីប្រព័ន្ធរ៉ាដាទូទៅ (Predominantly-used microwave) ពោលគឺមិនឱ្យរ៉ាដាទាំងនោះ ចាប់សញ្ញាបានឡើយ៕

អត្ថបទទាក់ទង៖ ជប៉ុន យល់ព្រមទិញយន្តហោះបំបាំងកាយជាង ១០០គ្រឿង ពីអាមេរិក

ប្រភព៖ South China Morning Post ប្រែសម្រួល៖ សំភី