លោក ជាម យៀប៖ កម្ពុជា នឹងទទួលបានពរជ័យពីប្រេង បន្ទាប់ពីរដ្ឋសភាអនុម័តច្បាប់រួច
- 2019-06-13 06:36:38
- ចំនួនមតិ 0 | ចំនួនចែករំលែក 0
លោក ជាម យៀប៖ កម្ពុជា នឹងទទួលបានពរជ័យពីប្រេង បន្ទាប់ពីរដ្ឋសភាអនុម័តច្បាប់រួច
ចន្លោះមិនឃើញ
រដ្ឋសភា បានកំណត់យកថ្ងៃទី១៧ ខែមិថុនា ឆ្នាំ២០១៩ ខាងមុខនេះ បន្តសម័យប្រជុំលើកទី២ នីតិកាលទី៦ នៃរដ្ឋសភា ដើម្បីលើកយកសេចក្តីព្រាងច្បាប់ស្ដីពីការគ្រប់គ្រងប្រេងកាត និងផលិតផលប្រេងកាតដែលមានចំនួន៩ជំពូក ៧២មាត្រា ពិភាក្សាអនុម័ត ដើម្បីឲ្យរាជរដ្ឋាភិបាលរកក្រុមហ៊ុនដៃគូធ្វើអាជីវកម្ម ប្រេងកាត និងឧស្ម័ន នៅតំបន់ឈូងសមុទ្រកម្ពុជា និងតំបន់បឹងទន្លេសាប។
សម្ដេច ហេង សំរិន ប្រធានរដ្ឋសភា កាលពីព្រឹកថ្ងៃទី១៣ ខែមិថុនា ឆ្នាំ២០១៩ បានដឹកនាំប្រជុំគណៈកម្មាធិការអចិន្ត្រៃយ៍រដ្ឋសភា។ របៀបវារៈប្រជុំគណៈកម្មាធិការអចិន្ត្រៃយ៍រួមមាន៖
១. ការពិនិត្យសំណើសុំប្រកាសទទួល ស្គាល់លោក សុខ ផេង ជាតំណាងរាស្ត្រថ្មីមណ្ឌលខេត្តព្រៃវែងជំនួសលោក ពៅ សាមី ដែលបានទទួលមរណភាព។
២. ការពិនិត្យសំណើសុំអនុញ្ញាតនូវសេចក្តីព្រាងច្បាប់ស្ដីពីការអនុម័តយល់ព្រមឱ្យព្រះរាជាណាចក្រកម្ពុជា ចូលជាសមាជិកនៃកិច្ចព្រមព្រៀងស្ដីពីវិធានការរដ្ឋម្ចាស់កំពង់ផែ ដើម្បីបង្ការទប់ស្កាត់ និងលុបបំបាត់ការនេសាទខុសច្បាប់គ្មានរបាយការណ៍ និងគ្មានការអនុញ្ញាត។
៣. ការពិនិត្យសំណើសុំបញ្ចូលក្នុងរបៀបវារៈសម័យប្រជុំរដ្ឋសភាលើកទី២ នីតិកាលទី៦ នូវសេចក្តីព្រាងច្បាប់ស្ដីពីការគ្រប់គ្រងប្រេងកាត និងផលិតផលប្រេងកាត៕