ឧបនាយករដ្ឋមន្រ្តីសិង្ហបុរី ថាមានតែសន្តិភាពទេ ដែលឱ្យអាស៊ានអភិវឌ្ឍបន្ថែមទៀត
- 2019-06-13 07:59:35
- ចំនួនមតិ 0 | ចំនួនចែករំលែក 0
ឧបនាយករដ្ឋមន្រ្តីសិង្ហបុរី ថាមានតែសន្តិភាពទេ ដែលឱ្យអាស៊ានអភិវឌ្ឍបន្ថែមទៀត
ចន្លោះមិនឃើញ
លោក ហេង ស្វ៊ីគាត (Heng Swee Keat) ឧបនាយករដ្ឋមន្រ្តី និងជារដ្ឋមន្រ្តីក្រសួងហិរញ្ញវត្ថុ នៃសាធារណរដ្ឋសិង្ហបុរី បាននិយាយថា មានតែសន្តិភាព និងស្ថិរភាពទេ ដែលអាចផ្តល់ឱកាសឱ្យប្រជាជាតិអាស៊ាន និងសហគមន៍អាស៊ាន មានការរីកចម្រើន និងអភិវឌ្ឍបន្តទៀត។ លោកថ្លែងដូច្នេះ ក្នុងជំនួបជាមួយលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក កាលពីថ្ងៃទី១២ ខែមិថុនា ឆ្នាំ២០១៩ នៅសិង្ហបុរី។
ក្នុងជំនួបនេះ លោក ហេង ស្វ៊ីគាត បានសម្តែងការអបអរសាទរដែលគណបក្សប្រជាជនកម្ពុជា ដឹកនាំដោយ សម្តេច ហ៊ុន សែន បានទទួលការគាំទ្រដ៏លើសលប់ក្នុងការបោះឆ្នោតតំណាងរាស្រ្តនីតីកាលទី ៦ កន្លងទៅ។
ចំណែកឧត្តមសេនីយ៍ឯក ហ៊ុន ម៉ាណែត បានលើកឡើងថា ប្រទេសកម្ពុជា បានកំណត់យកសន្តិភាព និងស្ថិរភាព ជាសរសរស្តមចម្បង ពីព្រោះថាបើអស្ថិរភាព និងអសន្តិសុខ នោះ ការអភិវឌ្ឍ វិបុលភាព ការរីកចម្រើនទាំងក្នុងប្រទេស និងតំបន់ក៏គ្មានដែរ។ ជាក់ស្តែង ដោយសារមានសន្តិភាព និងស្ថិរភាពរយៈពេល ២០ឆ្នាំ ចុងក្រោយនេះ ទើបប្រទេសកម្ពុជា មានការអភិវឌ្ឍយ៉ាងឆាប់រហ័ស ដូចនេះក្នុងតំបន់អាស៊ាន សន្តិភាព និងស្ថិរភាព ជាកត្តាជំរុញតំបន់នេះឱ្យបន្តការអភិវឌ្ឍ និងរីកចម្រើន។ ផ្ទុយទៅវិញ ការជំរុញប្រទេសក្នុងតំបន់អាស៊ានឱ្យធ្វើការជ្រើសរើសភាគីម្ខាងៗ នឹងនាំឱ្យតំបន់អាស៊ានវិលទៅរកស្ថានភាពដូចសម័យសង្រ្គាមត្រជាក់៕