ចិនបង្ហើបពីការបង្កើតគោលនយោបាយពាក់ព័ន្ធនឹងរ៉ែកម្រ ត្រៀមទប់ទល់ជាមួយអាមេរិក
- 2019-06-17 06:44:52
- ចំនួនមតិ 0 | ចំនួនចែករំលែក 0
ចិនបង្ហើបពីការបង្កើតគោលនយោបាយពាក់ព័ន្ធនឹងរ៉ែកម្រ ត្រៀមទប់ទល់ជាមួយអាមេរិក
ចន្លោះមិនឃើញ
លោកស្រី Meng Wei អ្នកនាំពាក្យគណៈកម្មការកំណែទម្រង់ជាតិចិន (NDRC) បានបញ្ជាក់នៅថ្ងៃទី១៧ ខែមិថុនា ឆ្នាំ២០១៩ថា រដ្ឋាភិបាលចិន នឹងសិក្សាបង្កើតគោលនយោបាយថ្មីពាក់ព័ន្ធនឹងរ៉ែកម្រលើផែនដី។ ផែនការនេះ ធ្វើឡើងខណៈដែលចិន និងអាមេរិក កំពុងមានភាពតានតឹងនៃសង្គ្រាមពាណិជ្ជកម្មរវាងប្រទេសទាំង២។
ទោះជាយ៉ាងណា មន្រ្តីនាំពាក្យរូបនេះ មិនបានបញ្ជាក់លម្អិតឡើយ គ្រាន់តែនិយាយថា ចិនប្រឆាំងដាច់ខាតចំពោះការប៉ុនប៉ងណាមួយក្នុងការប្រើប្រាស់ផលិតផលរ៉ែកម្ររបស់ចិន ក្នុងការដាក់សម្ពាធមកលើប្រទេសនេះ។
ចិនគឺជាប្រទេសធំបំផុតដែលផលិត និងនាំចេញរ៉ែកម្រ ពោលគឺប្រមាណ៨៥% នៃផលិតកម្មសកល។ ក្នុងនោះ អាមេរិកពឹងផ្អែកការនាំចូលរ៉ែកម្រពីចិនប្រមាណ ៨០ភាគរយ នៃការនាំចូលសរុបរបស់ខ្លួន។
កាលពីចុងខែឧសភាកន្លងទៅ ក្រសួងការពារជាតិអាមេរិក ក៏បានបញ្ចេញរបាយការណ៍បង្ហាញពីគោលបំណងកាត់បន្ថយការពឹងផ្អែកលើការនាំចូលរ៉ែកម្រពីប្រទេសចិនផងដែរ៕
អត្ថបទទាក់ទង៖
រ៉ែកម្រក្នុងផែនដីរបស់ចិន ពិតជាសំខាន់ណាស់មែនទេសម្រាប់អាមេរិក?
អាមេរិក ប្រុងជើងការទុកមុនដោយកាត់បន្ថយការពឹងផ្អែកលើ "រ៉ែកម្រក្នុងផែនដី" របស់ចិន