អភិបាលក្រុងកោះរ៉ុង ចូលកាន់តំណែងជាផ្លូវការ

2019-06-19 07:43:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រឹកថ្ងៃទី១៩ ខែមិថុនា២០១៩ លោក យន្ត មីន អភិបាលខេត្តព្រះសីហនុ បានអញ្ជើញជាអធិបតីក្នុងពិធីប្រកាសដាក់ឲ្យដំណើរការរដ្ឋបាលក្រុងកោះរ៉ុង ជាមួយការប្រកាសតែងតាំងអភិបាល អភិបាលរងក្រុងកោះរ៉ុង និងប្រកាសទទួលស្គាល់ក្រុមប្រឹក្សាក្រុងកោះរ៉ុងផងដែរ។

លោក នួន ប៊ុនថុល នាយកទីចាត់ការអន្តរវិស័យសាលាខេត្តព្រះសីហនុ ត្រូវបានតែងតាំងជាអភិបាលក្រុងកោះរ៉ុង និងលោកអួង និត អតីតចៅសង្កាត់កោះរ៉ុង ជាប្រធានក្រុមប្រឹក្សាក្រុងកោះរ៉ុង។

កោះរ៉ុង ដែលពីមុនជាសង្កាត់ ត្រូវបានបង្កើតជាក្រុងកោះរ៉ុងវិញ ចំណុះខេត្តព្រះសីហនុ ឲ្យស្របតាមស្ថានភាពភូមិសាស្ត្រ និងការវិវត្តន៍រីកចម្រើននាពេលបច្ចុប្បន្ន តាមគោលនយោបាយរបស់រាជរដ្ឋាភិបាល នៃព្រះរាជាណាចក្រកម្ពុជា។

សូមបញ្ជាក់ថា ក្រុងកោះរ៉ុងមានសង្កាត់ចំនួន២ គឺសង្កាត់កោះរ៉ុង និងសង្កាត់កោះរ៉ុងសន្លឹម។

គួររំលឹកផងដែរថា កាលពីខែមករា ឆ្នាំ២០១៩ កន្លងទៅ រាជរដ្ឋាភិបាលកម្ពុជា បានសម្រចបង្កើត ក្រុង-ស្រុក-ខណ្ឌថ្មី ចំនួន៦ ដែលក្នុងនោះក៏មានក្រុងកោះរ៉ុង ក្នុងខេត្តព្រះសីហនុផងដែរ។ ក្រុង-ស្រុក-ខណ្ឌថ្មី ៥ ផ្សេងទៀត រួមមាន ខណ្ឌបឹងកេងកង (រាជធានីភ្នំពេញ), ខណ្ឌកំបូល (រាជធានីភ្នំពេញ), ស្រុកតាំងគោក (ខេត្តកំពង់ធំ), ស្រុកតាលោសែនជ័យ (ខេត្តពោធិ៍សាត់) និងស្រុកបុរីអូរស្វាយសែនជ័យ (ខេត្តស្ទឹងត្រែង)៕

ចុចអាន៖ ឈ្មោះក្រុង-ស្រុក-ខណ្ឌ ទាំង ២០៣ នៅកម្ពុជា!

ប្រភព៖ រស្មីកម្ពុជា