១គ្រាប់របស់ Messi ជួយបន្តដង្ហើមអាហ្សង់ទីន នៅ Copa America

2019-06-20 02:34:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Lionel Messi បានស៊ុតបាល់ពិន័យ ១១ម៉ែត្របញ្ចូលទី១គ្រាប់ ជួយឲ្យក្រុមបាល់ទាត់ជម្រើសជាតិអាហ្សង់ទីន តាមស្មើក្រុមបាល់ទាត់ប៉ារ៉ាហ្គាយ ១-១ ក្នុងប្រកួតទី២ ពូល B នៃពានរង្វាន់ទ្វីបអាមេរិកខាងត្បូង Copa America 2019 នៅទឹកដីប្រេស៊ីល នាព្រឹកថ្ងៃទី២០ ខែមិថុនានេះ។

នៅក្នុងការប្រកួតនេះ ប៉ារ៉ាហ្គាយ បាននាំមុខមុន នៅនាទី ៣៧ នៃតង់ទី១ ដោយកីឡាករ Richard Sanchez។ ចូលតង់ទី២ នាទី ៥៧ អាហ្សង់ទីន បានទទួលបាល់ពិន័យ ១១ម៉ែត្រ ក្រោយអាជ្ញាកណ្ដាលពិនិត្យ VAR ឃើញថាបាល់ប៉ះដៃខ្សែការពារប៉ារ៉ាហ្គាយ ក្នុងប្រអប់គ្រោះថ្នាក់។ Messi បានស៊ុតបំប៉ោងសំណាញ់ទី តាមស្មើបានសម្រេច។

៦នាទីបន្ទាប់ ប៉ារ៉ាហ្គាយ បានទទួលបាល់ពិន័យ ១១ម៉ែត្រដែរ ប៉ុន្តែ Derlis Gonzalez ស៊ុតមិនចូល។

លទ្ធផលស្មើគ្នានេះ ធ្វើឲ្យអាហ្សង់ទីន ទទួលបាន ១ពិន្ទុ ឯប៉ារ៉ាហ្គាយ បាន ២ពិន្ទុ។ លទ្ធផល១គូទៀតក្នុងពូលនេះ គឺកូឡុំប៊ី ឈ្នះ កាតា ១-០។ ក្នុងពូលនេះ កូឡុំប៊ី ជាប់ស្វ័យប្រវត្តិហើយ ក្រោយរកបាន ៦ពិន្ទុពេញ ក្នុង២ប្រកួត ខណៈប៉ារ៉ាហ្គាយ អាហ្សង់ទីន និងកាតា ត្រូវកាត់សេចក្ដី ក្នុងប្រកួតចុងក្រោយ។ ប្រកួតចុងក្រោយ គឺប៉ារ៉ាហ្គាយ ប៉ះកូឡុំប៊ី ឯអាហ្សង់ទីន ជួប កាតា៕

ទស្សនាវីដេអូហាយឡាយខាងក្រោមនេះ៖