«ទឹកធ្លាក់ស្រែអំពិល» ដែលនៅមិនឆ្ងាយប៉ុន្មានពីភ្នំពេញ រៀបចំជិតរួចរាល់ហើយ

2019-06-24 04:20:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទឹកធ្លាក់ស្រែអំពិល ដែលស្ថិតក្នុងភូមិស្រែអំពិល ឃុំក្តុលសែនជ័យ ស្រុកទឹកផុស ខេត្តកំពង់ឆ្នាំង គឺជារមណីយដ្ឋានមួយដែលត្រូវបានរៀបចំដោយសហគមន៍នៅក្នុងតំបន់នោះ ក្រោមការផ្តួចផ្តើមពីអាជ្ញាធរស្រុក និងឃុំ។ ជាមួយគ្នានេះ អាជ្ញាធរឃុំ ក៏ដូចជាសហគមន៍ បានអំពាវនាវដល់ប្រជាពលរដ្ឋដែលចូលចិត្តដើរលេងកម្សាន្ត អាចទៅលេងទីនោះ ព្រោះមានទឹកជ្រោះ និងព្រៃភ្នំយ៉ាងស្រស់ស្អាត។

លោក ម៉ឹង វិសាលសុខ មេឃុំក្តុលសែនជ័យ បានឱ្យដឹងថា បច្ចុប្បន្នរមណីយដ្ឋានទឹកធ្លាក់ស្រែអំពិល ត្រូវបានរៀបចំប្រមាណជាង៨៥%ហើយ ដោយបានធ្វើផ្លូវចូលចាប់ពីថ្នល់រថភ្លើង (ជាប់មណ្ឌលសុខភាព) ចម្ងាយ ៩២០០ម៉ែត្រ មកដល់តំបន់ទឹកធ្លាក់តែម្តង ដើម្បីសម្រួលការធ្វើដំណើររបស់ភ្ញៀវមកលេងកម្សាន្ត។

សហគមន៍បានរៀបចំក្យូស សម្រាប់អង្គុយលេងច្រើនកន្លែង តាមបណ្ដោយទឹកជ្រោះជាង ៧០០ម៉ែត្រ និងបានកសាងស្ពានតូចៗសម្រាប់ឆ្លងអូរ បានជាច្រើនកន្លែង មានរៀបចំផ្សារមួយកន្លែង(មានជាម្ហូបអាហារ) និងប៉ុស្តិ៍សហគមន៍មួយកន្លែងផងដែរ។ លោកបានបញ្ជាក់ទៀតថា បច្ចុប្បន្នភ្ញៀវទេសចរមកលេងច្រើននៅថ្ងៃសៅរ៍-អាទិត្យ និងថ្ងៃបុណ្យទាន ចំណែកក្រៅពីថ្ងៃនោះ ក៏នៅមានមកលេងដែរតែតិចតួច៕