ស្ថានភាពអាកាសធាតុនៅកម្ពុជា ពីថ្ងៃទី២៦ មិថុនា ដល់ថ្ងៃទី២ កក្កដា
- 2019-06-26 01:27:35
- ចំនួនមតិ 0 | ចំនួនចែករំលែក 0
ស្ថានភាពអាកាសធាតុនៅកម្ពុជា ពីថ្ងៃទី២៦ មិថុនា ដល់ថ្ងៃទី២ កក្កដា
ចន្លោះមិនឃើញ
ក្រសួងធនធានទឹក និងឧតុនិយម បានជូនដំណឹងនៅថ្ងៃនេះថា ជ្រលងសម្ពាធទាបនៅបន្តអូសបន្លាយលើកម្ពុជា ខណៈដែលខ្យល់មូសុងនីរតី បានបង្កើនឥទ្ធិពល។ លក្ខណៈបែបនេះ ធ្វើឱ្យ៖
១. ខេត្តនៅជាប់មាត់សមុទ្រ រួមមាន៖ ខេត្តកោះកុង និងខេត្តព្រះសីហនុ មានភ្លៀងធ្លាក់រាយប៉ាយក្នុងបរិមាណពីបង្គួរទៅច្រើន គួបផ្សំនឹងខ្យល់បក់បោកខ្លាំង និងរលកសមុទ្រខ្ពស់ៗ។
២. ដោយសារមានឥទ្ធិពលហ្វឺនធ្វើឱ្យបណ្តារាជធានី និងខេត្តមួយចំនួនដូចជា៖ រាជធានីភ្នំពេញ ខេត្តកណ្តាល កំពង់ស្ពឺ តាកែវ និងខេត្តកំពត ភ្លៀងអាចធ្លាក់ក្នុងកម្រិតពីខ្សោយទៅមធ្យមតែប៉ុណ្ណោះ។
៣. ចំពោះបណ្តាខេត្តនៅជាប់ព្រំប្រទល់កម្ពុជា-វៀតណាម និងនៅភាគពាយព្យខាងជើង និងឦសាន នឹងអាចមានភ្លៀងក្នុងកម្រិត ពីមធ្យមទៅបង្គួរ។ ទន្ទឹមនោះ កន្លែងខ្លះ អាចមានភ្លៀងខ្លាំង។
៤. បាតុភូតផ្គរ រន្ទះ និងខ្យល់កន្រ្តាក់ នៅតែបន្តកើតមាន។
ជាមួយគ្នានេះ ក្រសួងបានអំពាវនាវឱ្យប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕