យោធាតៃវ៉ាន់ត្រៀមធ្វើសមយុទ្ធ ក្រោយនាវាផ្ទុកយន្តហោះចិន បរឆ្លងកាត់ច្រកសមុទ្រតៃវ៉ាន់

2019-06-26 03:13:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាវាផ្ទុកយន្តហោះចម្បាំង Liaoning របស់ប្រទេសចិន បានធ្វើដំណើរឆ្លងកាត់ច្រកសមុទ្រតៃវ៉ាន់ (សមុទ្របែងចែកចិនដីគោក និងតៃវ៉ាន់) កាលពីថ្ងៃទី២៥ ខែមិថុនា ឆ្នាំ២០១៩ ឆ្ពោះទៅកាន់កំពង់ផែ Qingdao ភាគខាងកើតប្រទេសចិន។ នេះបើតាមការចុះផ្សាយរបស់ South China Morning Post ដែលដកស្រង់ចេញពីវេបសាយរបស់ក្រសួងការពារជាតិតៃវ៉ាន់។

នាវា Liaoning ក្នុងពេលធ្វើសមយុទ្ធនៅសមុទ្រចិនខាងត្បូង នាពេលកន្លងមក (រូបថត៖ Reuters)

ក្រសួងការពារជាតិតៃវ៉ាន់ បានសរសេរថា យោធាតៃវ៉ាន់ អាចធ្វើសមយុទ្ធដើម្បីត្រៀមដោះស្រាយជាមួយស្ថានភាពបន្ទាន់ណាមួយ ក្នុងការធានាសន្តិសុខជាតិ និងស្ថិរភាពតំបន់។

កាលពីដើមខែមិថុនានេះ នាវាចិននេះ ក៏បានបរឆ្លងកាត់ច្រកសមុទ្រ Miyako របស់ជប៉ុនផងដែរ មុនចូលដែនអធិបតេយ្យកោះខ្វាម និងហ្វីលីពីន និងមុនពេលឆ្លងកាត់ចូលសមុទ្រចិនខាងត្បូង។

ក្នុងពេលថ្មីៗនេះ ទ័ពជើងទឹកអាមេរិកបានបង្កើនសកម្មភាពរបស់ខ្លួននៅក្នុងច្រកសមុទ្រតៃវ៉ាន់ ដោយធ្វើដំណើរឆ្លងកាត់ដែនទឹកយុទ្ធសាស្រ្តនេះ ដើម្បីបង្ហាញពីការតាំងចិត្តនូវសេរីភាពនាវាចរណ៍ក្នុងតំបន់ ខណៈដែលចិន និងអាមេរិក កំពុងមានសង្គ្រាមពាណិជ្ជកម្ម និងបង្ហាញពីការគាំទ្ររបស់ខ្លួនចំពោះតៃវ៉ាន់ផងដែរ៕

ប្រភព៖ South China Morning Post ប្រែសម្រួល៖ សំភី