Camila Cabello ចែកផ្លូវជាមួយមិត្តប្រុស ក្រោយបញ្ចេញវីដេអូសិចស៊ីជាមួយ Shawn Mendes

2019-06-26 04:03:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយពីបញ្ចេញវីដេអូចម្រៀងដ៏សិចស៊ីជាមួយមិត្តចាស់ Shawn Mendes បានប៉ុន្មានថ្ងៃ មានដំណឹងចេញពីសារព័ត៌មាន The Sun ថា Camila Cabello បានចែកផ្លូវគ្នាជាមួយមិត្តប្រុសរបស់ខ្លួន។

ដំណឹងនេះត្រូវបានបញ្ជាក់បន្ថែមទៀតដោយសារព័ត៌មាន PEOPLE បន្ទាប់ពីគូស្នេហ៍នេះបានចាប់ផ្ដើមបង្កាត់ភ្លើងស្នេហ៍នៅខែកុម្ភៈ ឆ្នាំ ២០១៨ ក្រោយពីជួបគ្នាក្នុងកម្មវិធី Today។ Camila វ័យ ២២ ឆ្នាំ និងមិត្តប្រុស Matthew Hussey វ័យ ៣២ ឆ្នាំ បានបញ្ជាក់ផ្លូវការអំពីទំនាក់ទំនងរបស់ខ្លួន នៅលើកម្រាលព្រំក្រហម ក្នុងកម្មវិធី Vanity Fair ក្រោយទាក់ទងគ្នាបានមួយឆ្នាំ ពោលនៅខែកុម្ភៈ ឆ្នាំ ២០១៩។

អ្វីដែលគេចាប់អារម្មណ៍ខ្លាំង គឺពេលវេលានៃការចែកផ្លូវរបស់គូស្នេហ៍នេះ។ មុនប៉ុន្មានថ្ងៃនៃដំណឹងបែកគ្នានេះលេចចេញឡើង Camila និង Shawn បានសម្ដែងជាគូស្នេហ៍ក្នុងបទចម្រៀងថ្មីចំណងជើងថា "Senorita” ដែលមានឈុតរោលរាលច្រើន។ សារព័ត៌មានបានសុំការស្រាយបំភ្លឺពី Camila ប៉ុន្តែមិនទាន់មានការឆ្លើយតបនៅឡើយទេ៕