លោក ហ៊ុន ម៉ាណែត និងទូតម៉ាឡេស៊ីថ្មី ផ្លាស់ប្តូរបទពិសោធន៍គ្នាលើការងារប្រឆាំងភេរវកម្ម
- 2019-06-28 01:21:59
- ចំនួនមតិ 0 | ចំនួនចែករំលែក 0
លោក ហ៊ុន ម៉ាណែត និងទូតម៉ាឡេស៊ីថ្មី ផ្លាស់ប្តូរបទពិសោធន៍គ្នាលើការងារប្រឆាំងភេរវកម្ម
ចន្លោះមិនឃើញ
ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោកកម្ពុជា បានជួបពិភាក្សាជមួយលោក Eldeen Husainni Mohd Hashim ឯកអគ្គរាជទូតម៉ាឡេស៊ីថ្មីប្រចាំនៅកម្ពុជា នៅបញ្ជាការដ្ឋានកងទ័ពជើងគោកកម្ពុជា កាលពីថ្ងៃទី២៧ ខែមិថុនា ឆ្នាំ២០១៩ ដើម្បីពង្រឹង និងពង្រីកកិច្ចសហប្រតិបត្តិការនៃកងទ័ពនៃប្រទេសទាំងពីរ។
ឧត្តមសេនីយ៍ឯក ហ៊ុន ម៉ាណែត បានមានប្រសាសន៍ថា ជំនួបនេះ បានផ្លាស់ប្តួរបទពិសោធន៍គ្នាទៅវិញទៅមកលើបញ្ហាការងារប្រឆាំងភេរវកម្ម ការរីករាលដាលនៃមនោគមវិជ្ជាជ្រុលនិយម។
លោក Eldeen Husainni Mohd Hashim បានលើកឡើងថា ការសម្តែងការគួរសមនេះ គឺជាការរឹតចំណងមិត្តភាពនៃប្រទេសទាំងពីរ ជាពិសេសទិសដៅនៃការពង្រឹងកិច្ចសហប្រតិបត្តិការលើវិស័យការពារជាតិ តាមរយៈការភ្ជាប់ទំនាក់ទំនងរវាងកងទ័ពជើងគោកនៃ កងយោធពលខេមរភូមិន្ទ ជាមួយនឹងកងទ័ពជើងគោកម៉ាឡេស៊ី សំដៅថែរក្សាសន្តិសុខតំបន់។
សូមបញ្ជាក់ថា ភាគីទាំងពីរ បានឯកភាពគ្នាបន្តជំរុញការពង្រីកកិច្ចសហប្រតិបត្តិការរវាងកងទ័ព និងកងទ័ព ការចែករំលែកព័ត៌មាន និងការងារបណ្តុះបណ្តាលធនធានមនុស្ស៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
