ឡាវ-ថៃ ចុះកិច្ចព្រមព្រៀងសាងសង់ផ្លូវភ្ជាប់ប្រទេសទាំង២ប្រវែងជាង ១២០គីឡូម៉ែត្រ

2019-07-03 02:58:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងសាធារណការ និងដឹកជញ្ជូនឡាវ បានចុះកិច្ចព្រមព្រៀងជាមួយក្រុមហ៊ុនឡាវ និងថៃ កាលពីចុងខែមិថុនាកន្លងទៅ លើកិច្ចសន្យាសាងសង់ផ្លូវជាតិលេខ១១ ដែលតភ្ជាប់ពីក្រុងវៀងចន្ទន៍ ឆ្លងកាត់ខេត្ត Xayaboury នៃប្រទេសឡាវ ទៅកាន់ភាគខាងជើងនៃប្រទេសថៃ។ នេះបើតាមការចុះផ្សាយរបស់ Vientianetimes នៅថ្ងៃទី៣ ខែកក្កដា ឆ្នាំ២០១៩។

រូបថត៖ Vientianetimes

ផ្លូវដែលមានប្រវែងសរុបជាង ១២២គីឡូម៉ែត្រនេះ នឹងត្រូវចំណាយពេលសាងសង់ ៣៦ខែ ហើយនឹងបើកឱ្យដំណើរការជាសាធារណៈនៅក្នុងអំឡុងឆ្នាំ២០២២។

ផ្លូវនេះ នឹងត្រូវសាងសង់ជា២គន្លង (១ទៅ១មក) ដោយក្នុង១គន្លងមានទំហំ ៣,៥ម៉ែត្រ និងមានស្ពានចំនួន១៩កន្លែង។ ផ្លូវនេះ នឹងអនុញ្ញាតឱ្យយានយន្តអាចបើកបរក្នុងល្បឿន ៨០គីឡូម៉ែត្រក្នុង១ម៉ោង (តំបន់ភ្នំ ៤០គីឡូម៉ែត្រក្នុង១ម៉ោង)។

គម្រោងនេះ នឹងចំណាយជាង ១,៨ពាន់លានបាត (ជាង ៥៨លានដុល្លារអាមេរិក) គាំទ្រដោយកម្ចីរបស់ទីភ្នាក់ងារ NEDA ប្រទេសថៃ៕

ប្រភព៖ Vientiane Times ប្រែសម្រួល៖ សំភី