សម្តេច ហ៊ុន សែន ថាពលរដ្ឋខ្មែរដែលទៅជួបសម្តេច គឺជាការរត់រកគ្នានៃឈាមជ័រជាខ្មែរ មិនមែនទិញដូរនោះទេ

2019-07-05 04:38:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅរសៀលថ្ងៃទី០៤ ខែកក្កដា ឆ្នាំ២០១៩នៅទីក្រុងហ្សឺណែវ ប្រទេសស្វីស (ព្រឹកថ្ងៃទី៥កក្កដានៅកម្ពុជា) សម្តេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជួបសំណេះសំណាល និងសួរសុខទុក្ខបងប្អូនប្រជាពលរដ្ឋខ្មែរ មកពីបណ្ដាប្រទេសមួយចំនួនក្នុងសហគមន៍អឺរ៉ុប ដែលធ្វើឡើងនៅទីក្រុងហ្សឺណែវ ប្រទេសស្វីស។

រូបថត៖ ហ្វេសប៊ុកសម្តេច ហ៊ុន សែន

ក្នុងពិធីនេះ សម្តេចតេជោ បានថ្លែងដោយហួសចិត្តចំពោះការលើកឡើងដោយក្រុមជ្រុលនិយមមួយចំនួនថា ប្រជាពលរដ្ឋមកជួបសម្តេចនាពេលនេះ គឺមានការទិញដូរ និងជួល។ សម្តេចបានចាត់ទុកថានេះជាការប្រមាថដ៏ធ្ងន់ធ្ងរមួយ ដោយសម្តេចបញ្ជាក់ថា ការជួបគ្នារវាងសម្តេច និងប្រជាពលរដ្ឋខ្មែរនៅអឺរ៉ុបនាពេលនេះ គឺជាការរត់រកគ្នានៃឈាមជ័រជាខ្មែរដូចគ្នា។

ជាមួយគ្នានេះសម្តេច ហ៊ុន សែន ក៏បានបញ្ជាក់ជូនប្រជាពលរដ្ឋខ្មែរផងដែរថា បេសកកម្មការងារបានបញ្ចប់ដោយជោគជ័យហើយសម្តេចនឹងដឹកនាំគណៈប្រតិភូវិលត្រឡប់មកកម្ពុជាវិញ នៅថ្ងៃទី៥ កក្កដានេះ។ ប៉ុន្តែទន្ទឹមនឹងនោះ ក៏មានក្រុមមួយចំនួនបានប្រកាសធ្វើបាតុកម្មនៅថ្ងៃទី០៥ កក្កដា ប្រឆាំងនឹងវត្តមានសម្តេចនៅអឺរ៉ុប។ បាតុកម្មអាចនឹងកើតមាននៅក្នុងខណៈដែលសម្តេចបានអញ្ជើញមកដល់ប្រទេសកម្ពុជា និងកំពុងវាយកូនគោល៕

អត្ថបទ៖ សំភី