លោក ពូទីន សួរអឺរ៉ុបថា៖ «តើអ្នកនៅចាំទេថា នរណាបំផ្លាញប្រទេសលីប៊ី?»

2019-07-08 07:47:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងសន្និសីទកាសែតជាមួយនាយករដ្ឋមន្រ្តីអ៊ីតាលី លោក Giuseppe Conte នៅក្រុងរ៉ូម កាលពីថ្ងៃទី៤ ខែកក្កដា ២០១៩ លោក វ្លាឌីមៀ ពូទីន ប្រធានាធិបតីរុស្ស៊ី បានថែ្លងបន្ទោសចំពោះការបំផ្លិចបំផ្លាញប្រទេសលីប៊ី ដោយចោទសួរថា «តើអ្នកនៅចាំទេថា នរណាជាអ្នកបំផ្លាញលីប៊ី?»។ នោះគឺជាការសម្រេចរបស់អង្គការណាតូ ពោលគឺវាជាយន្តហោះរបស់អឺរ៉ុប ដែលបានទម្លាក់គ្រាប់បែកលើប្រទេសមួយនេះ។

រូបថត៖ Reuters

លោកបានលើកឡើងយ៉ាងដូច្នេះថា៖ «**អ្វីដែលយើងបានឃើញ គឺភាពចលាចល និងការប្រយុទ្ធគ្នារវាងបណ្តាក្រុមប្រដាប់អាវុធ។ ខ្ញុំមិនដែលគិតថា រុស្ស៊ីត្រូវការធ្វើជាអ្នកចូលរួមចំណែកយ៉ាងសំខាន់ក្នុងដំណោះស្រាយនូវជម្លោះនេះទេ។ សូមសួរទៅកាន់ដែលបង្កើតបញ្ហាទាំងនេះវិញចុះ។ យើងចង់ដោះស្រាយបញ្ហានេះ។ យើងជឿជាក់ថា វាសំខាន់ណាស់ក្នុងការនិយាយទៅកាន់គ្រប់គ្នា។ យើងក៏គិតផងដែរពីភាពចាំបាច់ក្នុងការបញ្ឈប់ការបង្ហូរឈាមឱ្យបានឆាប់តាមដែលអាចធ្វើបាន**»។

លោក ពូទីន បន្ថែមថា មានក្រុមឧទ្ទាម និងភេរវក កាន់តែច្រើនឡើងបានចាកចេញពីស៊ីរី ចូលក្នុងលីប៊ី ដែលនេះជាការគំរាមកំហែងយ៉ាងធំ។ «យើងត្រូវការធ្វើការជាមួយមិត្តអឺរ៉ុបរបស់យើង ដើម្បីរក្សាកិច្ចសន្ទនាជាមួយគ្រប់ភាគីក្នុងប្រទេសលីប៊ី ដើម្បីជួយដល់ប្រជាជនលីប៊ី»។

ជាមួយគ្នានេះ លោកនាយករដ្ឋមន្រ្តីអ៊ីតាលី បានថ្លែងផងដែរថា សហគមន៍អន្តរជាតិអាចឯកភាពគ្នាជាធ្លុងមួយ និងជួយដល់គ្រប់ភាគីទាំងអស់ក្នុងប្រទេសលីប៊ី ឱ្យចូលក្នុងតុចរចា និងឈានដល់ការព្រមព្រៀងឈប់បាញ់៕

ប្រភព៖ dailysabah ប្រែសម្រួល៖ សំភី