ស្ថានភាពអាកាសធាតុនៅកម្ពុជា ពីថ្ងៃទី៩ ដល់ ១៥ ខែកក្កដា
- 2019-07-09 01:23:22
- ចំនួនមតិ 0 | ចំនួនចែករំលែក 0
ស្ថានភាពអាកាសធាតុនៅកម្ពុជា ពីថ្ងៃទី៩ ដល់ ១៥ ខែកក្កដា
ចន្លោះមិនឃើញ
ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពីស្ថានភាពអាកាសធាតុ ចាប់ពីថ្ងៃទី៩ ដល់ ១៥ ខែកក្កដា ឆ្នាំ២០១៩ ឱ្យដឹងថា កម្ពុជាកំពុងទទួលរងឥទ្ធិពលជ្រលងសម្ពាធទាបជាមួយនឹងរបបខ្យល់មូសុងនិរតីកម្រិតមធ្យម។ លក្ខណៈបែបនេះ ធ្វើឱ្យ៖
១. បណ្តាខេត្តនៅតំបន់មាត់សមុទ្រ មានជាអាទិ៍ ខេត្តកោះកុង និងខេត្តព្រះសីហនុ នឹងអាចមានភ្លៀងធ្លាក់ ក្នុងកម្រិតបរិមាណពីតិចទៅមធ្យម។
២. បណ្តាខេត្ត-ក្រុងនៅតំបន់វាលទំនាបភាគកណ្តាល ភាគខាងជើង និងភាគពាយព្យ នឹងអាចមានភ្លៀងពីតិចទៅបង្គួរ ក្នុងនោះ ភាគខ្លះមានភ្លៀងធ្លាក់ខ្លាំង។
៣. បណ្តាខេត្ត និងរាជធានី នៅតំបន់វាលទំនាបភាគខាងក្រោម និងខេត្តនៅភាគខាងកើត ជាប់នឹងប្រទេសវៀតណាម នឹងអាចមានភ្លៀងពីតិចទៅមធ្យម និងភាគខ្លះមានភ្លៀងធ្លាក់ខ្លាំង។
៤. បាតុភូត ផ្គរ រន្ទះ និងខ្យល់កន្រ្តាក់ នៅតែបន្តកើតមាន ជាពិសេសនៅតំបន់វាលទំនាប៕