អាមេរិកថា លក់អាវុធឱ្យតៃវ៉ាន់ដើម្បីពង្រឹងសមត្ថភាពយោធា តែនៅគោរព «គោលការណ៍ចិនមួយ»
- 2019-07-10 04:39:05
- ចំនួនមតិ 0 | ចំនួនចែករំលែក 0
អាមេរិកថា លក់អាវុធឱ្យតៃវ៉ាន់ដើម្បីពង្រឹងសមត្ថភាពយោធា តែនៅគោរព «គោលការណ៍ចិនមួយ»
ចន្លោះមិនឃើញ
អ្នកនាំពាក្យក្រសួងការបរទេសអាមេរិក លោកស្រី Morgan Ortagus បានបញ្ជាក់កាលពីថ្ងៃទី៩ ខែកក្កដា ឆ្នាំ២០១៩ថា ការលក់អាវុធរបស់អាមេរិកទៅឱ្យតៃវ៉ាន់ គឺដើម្បីពង្រឹងសមត្ថភាពយោធារបស់កោះមួយនេះតែប៉ុណ្ណោះ ប៉ុន្តែអាមេរិកនៅតែរក្សាគោលជំហរគោរព «គោលនយោបាយចិនមួយ» ដដែល។
លោកស្រីបានលើកឡើងយ៉ាងដូច្នេះថា៖ «ផលប្រយោជន៍របស់យើងនៅតៃវ៉ាន់ ជាពិសេសពាក់ព័ន្ធនឹងការលក់អាវុធទាំងនេះ គឺដើម្បីលើកកម្ពស់សន្តិភាព និងស្ថិរភាព នៅក្នុងតំបន់។ ហើយដូច្នេះ ក៏គ្មានការផ្លាស់ប្តូរណាមួយដែរនៅក្នុងគោលនយោបាយចិនមួយដែលយើងបានគោរពជាយូរមកហើយនោះ»។
សូមជម្រាបថា ចិនបានប្រកាសតវ៉ាចំពោះអាមេរិក ដែលបានសម្រេចលក់រថក្រោះ និងមីស៊ីល ព្រមទាំងឧបករណ៍យោធាផ្សេងទៀតដែលមានតម្លៃសរុប ២,២ពាន់លានដុល្លារ ឱ្យតៃវ៉ាន់ ដោយចិនបានជំរុញឱ្យអាមេរិកលុបផែនការនេះចោលវិញ ហើយបញ្ឈប់ការទាក់ទងយោធាគ្រប់រូបភាពជាមួយតៃវ៉ាន់ ដើម្បីចៀសវាងភាពល្អក់កករក្នុងទំនាក់ទំនងរវាងចិន និងអាមេរិក៕
ចុចអានបន្ថែម៖
-ចិនប្តឹងអាមេរិក រឿងយល់ព្រមលក់រថក្រោះ និងមីស៊ីលតម្លៃជាង ២ពាន់លានដុល្លារឱ្យតៃវ៉ាន់
-អាមេរិក ព្រមលក់រថក្រោះនិងមីស៊ីលតម្លៃជាង ២ពាន់លានដុល្លារ ឱ្យតៃវ៉ាន់ហើយ
-តៃវ៉ាន់ស្នើសុំទិញរថក្រោះជាង ១០០គ្រឿង និងមីស៊ីលជិត ២ពាន់គ្រាប់ ពីអាមេរិក