រដ្ឋមន្រ្តីមហាផ្ទៃ៖ មកដល់ពេលនេះ មានលុយខុសច្បាប់ជាង ៧លានដុល្លារ បាននាំចូលមកកម្ពុជា
- 2019-07-12 01:35:23
- ចំនួនមតិ 0 | ចំនួនចែករំលែក 0
រដ្ឋមន្រ្តីមហាផ្ទៃ៖ មកដល់ពេលនេះ មានលុយខុសច្បាប់ជាង ៧លានដុល្លារ បាននាំចូលមកកម្ពុជា
ចន្លោះមិនឃើញ
សម្ដេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា គិតមកដល់ពេលនេះ លុយខុសច្បាប់ជាង ៧លានដុល្លារអាមេរិក ដែលនាំចូលមកកម្ពុជាតាមច្រកអន្តរជាតិ ត្រូវបានសមត្ថកិច្ចដកហូត និងឃាត់ខ្លួនជនបរទេសមួយចំនួន ហើយលុយខុសច្បាប់ទាំងនោះ ត្រូវបានតម្កល់នៅធនាគារជាតិ ដើម្បីស្រាវជ្រាវរកប្រភពដើម។
សម្តេច ស ខេង ពន្យល់ថា៖ «ទាក់ទងរឿងលុយហ្នឹង យើងទុកនៅធនាគារ ដើម្បីរង់ចាំការស៊ើបអង្កេត យើងចាត់ឲ្យមានការស៊ើបអង្កេតប្រភពដើម ហើយមនុស្សឃាត់ទុកដែរ។ ហើយការស៊ើបអង្កេតមិនទាន់បានស៊ើបអង្កេតច្បាស់លាស់ដោយសារហុងកុងមានបញ្ហាបាតុកម្ម ប៉ូលិសហុងកុងសុំពន្យារបន្តិច ហើយយើងនឹងធ្វើការស៊ើបអង្កេតឲ្យដឹងថា ឫសគល់នៃបញ្ហាហ្នឹងវាយ៉ាងម៉េច»។
រដ្ឋមន្រ្តីមហាផ្ទៃ បានបញ្ជាក់ទៀតថា ការនាំចូលលុយខុសច្បាប់មកកាន់ប្រទេសកម្ពុជា មានច្រើនជាង៥ករណី ដែលសមត្ថកិច្ចកំពុងតែស៊ើបអង្កេត និងសុំកិច្ចសហការពីប្រទេសពាក់ព័ន្ធថែមទៀត៕