រឿងអាមេរិកលក់អាវុធឱ្យតៃវ៉ាន់! ចិនធ្វើសមយុទ្ធផង និងព្រមានដាក់ទណ្ឌកម្មលើក្រុមហ៊ុនអាមេរិកផង
- 2019-07-15 07:12:52
- ចំនួនមតិ 0 | ចំនួនចែករំលែក 0
រឿងអាមេរិកលក់អាវុធឱ្យតៃវ៉ាន់! ចិនធ្វើសមយុទ្ធផង និងព្រមានដាក់ទណ្ឌកម្មលើក្រុមហ៊ុនអាមេរិកផង
ចន្លោះមិនឃើញ
ក្រសួងការបរទេសចិន បានប្រកាសថា ចិននឹងដាក់ទណ្ឌកម្មលើក្រុមហ៊ុនអាមេរិក ដែលពាក់ព័ន្ធនឹងកិច្ចព្រមព្រៀងលក់រថក្រោះ មីស៊ីល និងសព្វាវុធផ្សេងៗទៀតដែលមានតម្លៃសរុប ២,២ ពាន់លានដុល្លារ ឱ្យតៃវ៉ាន់ ដោយចិនអះអាងថា កិច្ចព្រមព្រៀងនេះ បង្កផលប៉ះពាល់ដល់សន្តិសុខ និងអធិបតេយ្យរបស់ខ្លួន។
លោក Geng Shuang អ្នកនាំពាក្យក្រសួងការបរទេសចិន បានថ្លែងកាលពីថ្ងៃសុក្រកន្លងទៅស្របពេលដែលប្រធានាធិបតីតៃវ៉ាន់ ស្ថិតនៅលើទឹកដីអាមេរិក ដើម្បីបន្តដំណើរទៅធ្វើទស្សនកិច្ចនៅតំបន់ការ៉ាប៊ីន ដោយបញ្ជាក់ថា ការលក់អាវុធរបស់អាមេរិកឱ្យតៃវ៉ាន់ គឺជាការបំពានច្បាប់អន្តរជាតិ និងខុសបែបបទក្នុងទំនាក់ទំនងអន្តរជាតិ។
ជាមួយគ្នានេះដែរ ក្រសួងការពារជាតិចិន ក៏បានចេញសេចក្តីថ្លែងការណ៍បញ្ជាក់កាលពីថ្ងៃអាទិត្យម្សិលមិញផងដែរថា ចិនបានបើកការធ្វើសមយុទ្ធកងទ័ពអាកាស និងជើងទឹក នៅតំបន់សមុទ្រភាគឦសានប្រទេស (នៅជិតច្រកសមុទ្រតៃវ៉ាន់) បន្ទាប់ពីអាមេរិកសម្រេចយល់ព្រមលក់អាវុធឱ្យតៃវ៉ាន់៕
ចុចអានបន្ថែម៖
-ចិនប្តឹងអាមេរិក រឿងយល់ព្រមលក់រថក្រោះ និងមីស៊ីលតម្លៃជាង ២ពាន់លានដុល្លារឱ្យតៃវ៉ាន់
-អាមេរិក ព្រមលក់រថក្រោះនិងមីស៊ីលតម្លៃជាង ២ពាន់លានដុល្លារ ឱ្យតៃវ៉ាន់ហើយ
-អាមេរិកថា លក់អាវុធឱ្យតៃវ៉ាន់ដើម្បីពង្រឹងសមត្ថភាពយោធា តែនៅគោរព «គោលការណ៍ចិនមួយ»