លោក សៅ សុខា៖ អ្នកពាក់ព័ន្ធបទល្មើសព្រៃឈើនឹងត្រូវស្លាប់ បើហ៊ានប្រើកាំភ្លើងតដៃ ពេលចាប់ខ្លួនបាន

2019-07-18 01:35:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកនាយឧត្តមសេនីយ៍ សៅ សុខា មេបបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការបង្ក្រាបបទល្មើសធនធានធម្មជាតិ បានបញ្ជាក់ថា ពាក់ព័ន្ធបទល្មើសព្រៃឈើគឺជនល្មើសត្រូវតែបង្ក្រាប។

លោកថ្លែងថា៖ «បើកាលណារកឃើញស្រាវជ្រាវពាក់ព័ន្ធជាមួយមន្ត្រីអាវុធហត្ថរូបណា គឺត្រូវកសាងសំណុំរឿង កោះខ្លួនឲ្យចូលមកតុលាការ បើមិនចូល១លើក ២លើក ៣លើក មិនចូលទេគឺមានដីកាចាប់ខ្លួន ត្រូវតែចាប់។ ពេលចាប់ខ្លួនហើយតដៃ បើមានកាំភ្លើងតដៃ គឺគ្មានស្អីក្រៅពីងាប់ខានចាយលុយទេ។ ហើយលីកសូមផ្តាំផ្ញើកងកម្លាំងចុះបង្ក្រាបបទល្មើសព្រៃឈើ គឺវិន័យ សីលធម៌ អំពើពុករលួយដាច់ខាត គ្មានត្រូវទទួលសំណូកពីអ្នកណាទេ»។

ជាមួយគ្នានេះនាយឧត្តមសេនីយ៍ សៅ សុខា ក៏បានរំលឹកដល់ មេបញ្ជាការកងរាជអាវុធហត្ថទូទាំងប្រទេស ត្រៀមខ្លួនដើម្បីធ្វើការឃាត់និងត្រួតពិនិត្យ រកអ្នកប្រព្រឹត្តកំហុស។ «ហើយមិនមែនធ្វើតែនៅខេត្តមណ្ឌលគីរី រតនគីរី និងខេត្តស្ទឹងត្រែងនោះទេ។ មនុស្សធ្វើខុសត្រូវចាប់ខ្លួនធ្វើតាមច្បាប់ ឡានគឺកម្ទេចចោល។ ហើយបើស្ទាក់ស្ទើរមិនហ៊ានធ្វើទេ គឺដូរមនុស្សចេញ ឱ្យមនុស្សដែលហ៊ានធ្វើ ទៅធ្វើ»៕

អត្ថបទ៖ សោភា