អាជ្ញាធរ​ជាតិអប្សរា បានចេញសេចក្តីជូនដំណឹង​នៅថ្ងៃទី១៨ ខែកក្កដា ឆ្នាំ​២០១៩​ ដោយ​ប្រកាស​ថា ចំណត​រថយន្ត​បណ្តោះ​អាសន្ន​នៅខាងមុខ​ប្រាសាទ​អង្គរវត្ត នឹង​ត្រូវ​បញ្ឈប់​ប្រតិបត្តិការ​ចាប់ពីថ្ងៃទី១ ខែសីហា ឆ្នាំ​២០១៩​តទៅ។

អាជ្ញាធរ​ជាតិអប្សរា​បញ្ជាក់​ថា ម្ចាស់​រថយន្ត​គ្រប់​ប្រភេទ​ត្រូវចូលទៅចត​រថយន្ត​របស់ខ្លួន​នៅចំណត​​រថយន្ត​ប្រាសាទ​អង្គរវត្ត​ដែលបាន​រៀបចំ​រួចរាល់ និងមាន​ទីតាំង​នៅផ្នែក​ខាងលិច​នៃចំណត​រថយន្ត​បណ្តោះអាសន្ន។ ចំពោះ​ទីតាំង​ចំណត​រថយន្តបណ្តោះអាសន្ន​នឹងត្រូវរៀបចំ​ជាកន្លែងដាំកូនឈើ​ឡើងវិញ ដោយ​រក្សាមួយផ្នែក​នៃទីតាំងនេះ សម្រាប់​ប្រើប្រាស់​ជាចំណត​របស់​រ៉ឺម៉កកង់បី៕